Politika demografike, Papa Françesku thirrje qeverive: Nuk mungojnë qenë dhe mace por fëmijë!
“Qeveritë duhet të zbatojnë politika serioze dhe efikase për të mirën e familjes në mënyrë që të përballen me rënien e natalitetit dhe plakjes së popullsisë,” tha sot Papa Françesku duke i bërë thirrje të rinjëve që të kenë besim në të ardhmen.
Duke folur në një konferencë për krizën gjithnjë e më të thellë demografike, Papa Françesku tha se numri i të lindurve është treguesi i parë i shpresës së njerëzve, dhe se Evropa gjithnjë e më shpejtë po shndërrohet në një kontinent të plakur, të lodhur dhe dorëhequr.
“Duhen politika efikase, të guximshme, konkrete dhe vendime afatgjate. Ka nevojë për angazhim më të madh të të gjitha qeverive në mënyrë që gjeneratat e reja të kenë mundësi që të realizojnë ëndrrat e tyre legjitime,” tha Papa Françesku.
Niveli i natalitetit europian në dekadën e kaluar ra për 1.5 lindje për grua. Ky është niveli më i ulët siç janë ato në Azinë lindore, por shumë larg 2.1 sa është e nevojshme që popullësia të jetë e qëndrueshme.
“Ekziston një fakt të cilin ma tha një demograf. Aktualisht investimet me të ardhurat më të mëdha janë në fabrikat e armatimit dhe kontracepcionit. Njëra e shkatërron jetën, tjetra e parandalon. Çfarë të ardhme kemi? Ajo është e shëmtuar,” tha Papa Françesku.
Numri i lindjeve në Itali në vitin 2023 ra në nivelin më të ulët rekord pas 15 vjet rënieve me radhë.
“Shtëpitë janë mbushur me gjëra, dhe pa fëmijë, duke u bërë vende shumë të trishta. Nuk ekziston mungesa e qenëve të vegjël, maceve. Këto nuk mungojnë. Mungojnë fëmijët,” tha Papa.
Me këtë rast, Papa Françesku propozoi politika që nuk do të detyrojnë nënat që të zgjedhin në mes të karrierës dhe kujdesit për fëmijët, që çifteve të reja t’ju mundësoj një punë stabël dhe mundësi të blerjes së pasurisë së paluajtshme ndërsa e përfundoi me një mesazh shpresëdhënës për të rinjtë:
“E di që shumicës prej juve e ardhmja nuk ju duket e qetë, dhe në pikun e rënies së natalitetit, luftërave, pandemisë dhe ndryshimeve klimatike nuk është e lehtë ta keshë shpresën për jetën. Por, mos hiqni dorë, keni besim.”
