Rikthimi i Izet Haxhias në Shqipëri/ Berisha: Një vrasës më shumë në krah të Edi Ramës

Ish-Kryeministri Sali Berisha deklaroi mbrëmjen e sotme se rikthimi i Izet Haxhias në Shqipëri është një kriminel më shumë në krahun e Edi Ramës.

“Vrasës më shumë në krah të Edi Ramës, siç është Shullazi, Hakmarrja për Drejtësi, Dritan Dajti etj. Izet Haxhia është i dënuar me 25 vite burg, sipas mediave është i dënuar edhe në Greqi me burgim të përjetshëm”, tha Berisha duke iu përgjigjur pyetjes lidhur me rikthimin e Izet Haxhias në Shqipëri.
Ish-Kryeministri deklaroi se atë se kush ka qenë Edi Rama ia ka botuar Mero Baze, që sot e ka këshilltar.

“Edi Rama duhet të shkojë të puthë varrin e të atit dhe t’i kërkojë falje për akuzat monstruoze që ka bërë ndaj tij”, theksoi Berisha.
Sipas tij, sëmundjen e Ramës e dija që kur kam mbaruar fakultetin e Mjekësisë, por sëmundjen e tij ia kanë botuar të tjerët.