Sajmir Tahiri, nga sulmet ndaj drejtësisë te dorëzimi i mandatit dhe rreziku i arrestimit…

Sajmir Tahiri, ish-ministër i Brendshëm, dhe një nga njerëzit më të besuar të Kryeministrit Edi Rama, dorëzoi në fundjavën e kaluar, mandatin e deputetit. Ai tha se do të përballet me drejtësinë si qytetar i thjeshtë, ndërsa veprimi i tij prodhoi një sërë reagimesh. Në fjalimin e fundit, Tahiri zgjodhi t´I sulmojë të gjithë nga Presidenti i Republikës, Kryeministri, ministri i Brendshëm, ambasadorë dhe opozitën. Por dorëheqja e tij, 6 muaj pasi Prokuroria e Krimeve të Rënda, solli reagime të ndryshme.

Ambasada ameriikane vlerësoi faktin se Tahiri tashmë do të përballej me akuzat si qytetar, Rama e cilësoi një akt të guximshëm, ndërsa opozita si lojë të Kryeministrit. Këtë javë pritet që Tahiri të thirret te Krimet e Rënda për t´u marrë në pyetje lidhur me akuzat, pas përgjimeve të kryera nga anti-mafia italiane ku emri i tij përmendet nga dy të arrestuar të përfshirë në atë që quhet si grupi i Habilajve.

Habilajt janë kushërinj të largët të Tahirit, sikundër ai vetë ka pohuar. i ka shitur makinën e tij, të cilën më pas sipas hetimeve të Prokurorisë, ka rezultuar se e ka përdorur si ish-ministri i Brendshëm, gjatë kohës që ishte pjesë e qeverisë, ashtu edhe kushërinjtë e tij, të arrestuar dhe hetuar për trafik të lëndëve narkotike.

Por si kanë rrjedhur ngjarjet me ish-ministriin e Brendshëm, krahun e djathtë të Kryeministrit Rama në mandatin e parë të qeverisjes së PS-së, dhe ministrin më jetëgjatë në detyrë përgjatë 27 viteve?

Tahiri në fillim të mandatit të parë të Rilindjes mori flamurin e sulmeve dhe akuzave ndaj gjyqtarëve dhe prokurorëve. Ish-ministri i Brendshëm në vitet 2014-2015, drejtoi pothuajse të gjithë sulmin public ndaj gjyqtarëve dhe prokurorëve, madje pati dyshime që struktura të policisë, survejonin njerëzit e drejtësisë.

Kjo ishte përballja e parë e fortë mes pushtetit ekzekutiv dhe atij të drejtësisë. Ishte koha kur nisi një hetim lidhur me një pajisje përgjimi të futur në Shqipëri në mënyrë të paligjshme. Pajisja quhej Imsi Catcher dhe prokuroria ngriti akuza ndaj drejtuesve të Policisë së Shtetit.

Por përballë hetimit pasi një sulm frontal ndaj gjyqtarëve dhe prokurorëve, madje edhe kërcënime për arrestime, duke sjellë reagime të forta të shoqatave apo Unionit të njerëyve që përfaqësonin drejtësinë.

Por situate do të përmbysej, kur ndaj Tahirit u artikuluan akuzat e para nga një ish-oficer i lartë i anti-drogës, Dritan Zagani, sot në azil politik në Zvicër, lidhur me trafikun e drogës dhe lidhjet e Tahirit me Habilajt. Akuzat e Zaganit u kundërshtuan fort nga Tahiri, Kryeministri Rama dhe të tjerë zyrtarë të lartë të qeverisjes dhe PS-së. Ndaj Zaganit nisi një proçes, u ngritën akuza, ndërsa ai arriti të largohej nga Shqipëria, për shkak të kërcënimeve që do ti bëheshin, sikundër u raportua në atë kohë.

Por deklaratat publike të Zaganit, oficerit që kishte hetuar rastet e trafikut të drogës, duket se thyhen “yllin” në ngjitje të socialistëve dhe Ramës, i cili deri në atë moment, pavarësisht akuzave të opozitës, konsideroohej si një nga kandidatët e mundshëm që mund të pasonte Edi Ramën në krye të PS-së, pasi Kryeministri aktual të largohej.

Nga ky moment nisën edhe peripecitë për Tahirin, por që nuk e ndaluan që të drejtonte fushatën për qarkun e Tiranës në zgjedhjet e fundit parlamentare, 25 qershor 2017.

Tahiri u largua nga detyra disa muaj para zgjedhjeve, porn ë qarqet brenda PS përflitej vazhdimisht për një rikthim në qeveri, madje në funksionin e ministrit të Drejtësisë.

Por dukej se presioni ndërkombëtar ndaj Ramës, intensifikimi i akuzave dhe të dhënat që herë pas here qarkullonin nga hetimet ndërkombëtare e kthyen Tahirin në një kosto politike për Ramën.

Në vijimësi ish-ministrit të Brendshëm i duhej të përballej me akuzat zyrtare të Prokurorisë së Krimeve të Rënda dhe kërkesën për arrestimin e tij.

Në Kuvend mbërriti kërkesa nga Prokuroria, ndërsa Tahiri u shfaq në një studio televizive, pothuajse me lot në sy, duke përmenduar disa herë arrestimin. E nga shfaqja që dhuroi përmes ekranit, befas në mbledhjen e Këshillit të Rregulloren, Mandatet dhe Imunitetet, ku u përball me 3 prokurorët e Krimeve të Rënda, Tahiri me suportin e grupit të tij parlamentar, u shfaq sërisht agresiv.

Prokurorët nga akuzues të ish-ministrit, dolën të akuzuar prej tij. Për disa orë me dyer të hapura dhe të mbyllura, përfaqësuesit e organit të akuzës u vunë nën presionin, ndërsa kërkesa e Prokurorisë u rrëzua për shkak se ajo nuk dindte deputetët socialist se kishte prova për arrestimin e ish-ministrit. Madje për herë të parë në histori, një grup deputetësh morën rolin e gjykatës duke vlerësuar provat. Në përfundim u pranua vetëm fakti që Tahiri mund të hetohej, mund t´I kontrollohej banesa, por nuk mund të arrestohej. Tahirit iu bllokuan pasaportat për disa javë, por me vendime gjykate edhe ato iu rikthyen.

Gjashtë muaj më pas, ish-ministri i Brendshëm do të rikthehej sërisht në vëmendje. Këtë rradhë duke dorëzuar mandatin, edhe pse prokuroria nuk kishte kërkuar asnjë masë ndaj Tahirit, ai u shfaq befas dhe dorëzoi mandatin e deputetit.

Sërisht presioni ishte nga jashtë. Dorëzimi i mandatit përkoi me kthimin e Kryeministrit Edi Rama nga një vizitë në Berlin ku me shumë gjasa atij i është kërkuar të mbajë një qëndrim ndaj hetimeve për ish-ministrin e Brendshëm, krahun e tij të djathtë në mbi 4 vjet në qeverisjen e vendit. Rama u shfaq në një konferencë për mediat mjaft i nervozuar lidhur me informacionet që botoheshin në mediat shqiptare dhe gjermane, ndërsa pohoi se askush nuk i kishte kërkuar arrestimin e Tahirit, pasi arrestiimet dhe dënimet i jep drejtësia dhe jo qeveria.

Por dukej se Kryeministri ndodhej nën një presion, çka u provua pak ditë më pas kur Tahiri në një konferencë për mediat u shfaq dhe bëri deklaratën e dorëzimit të mandatit.

Pas kësaj ai u përball sërisht në një studio televizive por këtë herë në dallim nga hera e parë e deklaratave dukej se nuk kishte frikë nga arrestimi.