Shqipëria i vë traun Kosovës dhe i hap derën Serbisë

Debatet pse “Rama vendosi traun për kosovarët” vazhdojnë ashtu si edhe  kuksianët të vuajnë dënimin në burg, Edi Rama bënë hapa konkret në arsyetimin e kësaj ndërmarrje antikombëtare.

Ministrat e Shqipërisë dhe Serbisë, Blendi Klosi dhe Rasim Lajiç, kanë firmosur sot Marrëveshje bashkëpunimini në fushën e turizmit i cili do të mundësoj tërheqjen e turistëve nga “tregjet e treta”. Me rastin e prezantimit të kësaj Marrëveshje u tha se qëllimi i saj është që të përfshinë edhe vendet e tjera të rajonit.

Ministri Klosi tha me rastin e kësaj firmosje në Beograd se turizmi po bëhet pjesë përbërëse e ekonomisë së Serbisë dhe Shqipërisë sepse “sjellë para, e paraja sjellë fuqi ekonomike dhe forcë më të madhe për të gjithë në rajon”.

“Shqipëria dhe Serbia kanë shance të mëdha dhe shumë çka që së bashku mund të ofrojnë. Potencialet janë të mëdha, duhet të shfrytëzohen dhe ndër të tjera përfshijnë trashëgiminë kulturore, promovimin e jetës dhe stilit të jetesës,” tha Klosi.

Ndërsa Lajiç tha se Serbia është e interesuar që të rris qarkullimin e turizmit me Shqipërinë, sepse ai sot është e papërfillshme, me gjithsejtë 3.000-5.000 turistë që vizitojnë këtë vend.