Shuhet Sven-Göran Eriksson

Shuhet Sven-Göran Eriksson. Trajneri legjendar i futbollit Sven-Göran Eriksson ndërroi jetë në moshën 76 vjeçare, ka bërë të ditur familja e tij.

“Pas një sëmundje të gjatë, Sven-Göran Eriksson vdiq në mëngjes në shtëpi, i rrethuar nga familjarët,” u tha në njoftimin e familjes Eriksson.

Sven-Göran Eriksson gjatë karrierës së tij ka drejtuar shumë ekipe të njohura evropiane si Benfica, Roma, Fiorentina, Sampdoria, Lazio, Manchester City dhe Leicester.

Në vitin 2001 mori përsipër ta drejtoi kombëtaren e Anglisë, si i huaji i parë në stolin e “Albionit Perfid”, më pas trajner i kombëtares së Meksikos dhe Bregut të Fildisht.

Posti i fundit që mbajti mbi supe në futboll ishte drejtor sportiv i klubit suedez Karlstad, të cilin e braktisi në shkurtin e vitit 2023 për shkaqe shëndetësore.

Pasi u bë e ditur se vuan nga kanceri i pankreasit, Erikssonit iu plotësua dëshira e jetës që ta drejtoi Liverpoolin, dhe kjo u realizua në muajin mars në një ndeshje humanitare në mes të legjendave “të kuqve” dhe Ajaxit në stadiumin “Enfield”.

Në fillim të vitit 2024, Sven-Göran Eriksson publikisht e pranoi se mjekët i kanë komunikuar se do të jetoj edhe një vit dhe tha se mendon ta jetoj sa më mirë kohën që i ka mbetur.