Sonte Angli-Shqipëri, Sylvinho: Ndeshje e vështirë por e këndshme!

Kombëtarja shqiptare sonte në Wembley nis aventurën për Kupën e Botës 2026, ku nga Londa trajneri Sylvinho e pranon në prag të ndeshjes së parë të këtij cikli kualifikues se kishte disa probleme me Ismajlin dhe Kumbullën, përballja do të jetë e vështirë, por gjithsesi do jetë e këndshme.

“Do të jetë e vështirë, por dhe e këndshme. E vërtetë që nuk kemi shumë kohë për t’u përgatitur. E kemi diskutuar dhe mes trajnerësh në FIFA, sa e vështirë është. Mos harrojmë që kemi ndeshje dhe ndaj Andorrës. Do jetë e vështirë sepse nuk ka mjaftueshëm kohë. Kemi përdorur video, diskutime me lojtarët, ato vijnë të lodhur duke qenë se kanë sezone të gjata. Nesër do vendosim për titullarët,” tha trajneri i kombëtares shqiptare, Sylvinho për përballjen ku Anglia llogaritet favorit.

Ndryshe, përballja Angli-Shqipëri fillon në orën 20:45, kohë kur në fushë do të zbresin edhe 8 skuadra për të luajtur ndeshjet e para në kuadër të kualifikueseve të Botërorit ndërkohë përballja e 2 skuadrave tjera zhvillohet në orën 18:00. 

Përveç Angli-Shqipëri që do të luhet në Wembley, kundërshtari ynë i radhës, Andorra do të luajë kundër Letonisë. Polonia do të përballet me Lituaninë dhe Malta me Finlandën ndërsa Rumania me Bosnje Hercegovinës. Ndërsa Qipro me San Marinon luajnë në orën 18:00..