Sot festohet Fitër Bajrami

Sot festohet Fitër Bajrami!

Falja e Namazit të Bajramit u bë në orën 06:20 në Sheshin “Skënderbej” në Tiranë nën drejtimin e Kryetarit të KMSH, Hoxhë Bujar Spahiu ndërsa hytben e lexoi Myftiu i Tiranës, Lauren Luli.

Zoti i gjithësisë na e pastë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellim sot, tha Kryetari i Komunitetit Mysliman, Hoxhë Bujar Spahiu në mesazhin për Fitër Bajramin, duke shtuar se Bajrami është festë e përmbylljes me sukses, me lejen e Zotit, të një rrugëtimi të përsosjes shpirtërore.

“Bajrami është lumturia që ne ndiejmë me plotësimin e agjërimit të Ramazanit si dhe falenderimi ndaj Zotit për mirësitë e Tij mbi ne dhe që na përudhi të agjërojmë. E lusim Zotin ta begatojë me paqe dhe stabilitet vendin tonë. Të furnizojë popullin tonë dhe gjithë botën mbarë në këto kohëra vështirësish të mëdha,” thekson Kryetari i Komunitetit Mysliman, Hoxhë Bujar Spahiu në mesazhin e tij duke uruar përzemërsisht, agjëruesit në veçanti dhe mbarë shqiptarët:

Gëzuar Fitër Bajramin!

NJOFTIM

Komuniteti Mysliman i Shqipërisë njofton të gjithë besimtarët se programi i plotë i Fitër Bajramit, i cili do të falet nesër më 02 maj 2022, në sheshin “Skënderbej”, Tiranë, do të jetë si më poshtë.

05:50 – Hapja

05:55 – Lexim Kurani nga Besmir Krruta

06:00 – Fjala përshëndetëse e Kryetarit të KMSH-së, H. Bujar Spahiu

06:10 – Ligjëratë nga nënkryetari i KMSH-së, z. Taulant Bica

06:20 – Falja e Namazit të Bajramit, prin Kryetari i KMSH-së, z. Spahiu

06:25 – Hutbeja e Bajramit nga Myftiu i Tiranës, z. Lauren Luli.

Gjithashtu ju bëjmë me dije se pritjet tradicionale me rastin e kësaj feste, do të zhvillohen nga ora 09:00 deri në orën 12:30 në selinë e institucionit.