“Toyota Yaris”/ SPAK dërgon letërporosi në Belgjikë dhe Francë, kërkon…

SPAK përmes një letër porosie i ka kërkuar autoriteteve të Belgjikës dhe Francës që të identifikohen kodet e Sky Ecc për çështjen e “Toyota Yaris” ku u gjetën 3.4 milionë euro.

Në vijimin e hetimeve pas arrestimit të ish-kreut të prokurorisë së Vlorës, SPAK kërkon të dhëna për kodet e tjera të SKY Ecc. Ka dyshime për zyrtarë dhe ish-zyrtarë të sistemit të drejtësisë që janë implikuar.

Ndryshe, më 31 korrik, GJKKO la në fuqi masën arrest në burg për kryeprokurorin e Vlorës, Aurel Zarka. Sipas SPAK, bëhet fjalë për ndikime tek funksionarë të drejtësisë për të lehtësuar dosjen “Toyota Yaris”, që nga një hetim për grup kriminal dhe pastrim parash prej 3.4 milionë euro u mbyll me një të dënuar, për mosdeklarim të të ardhurave në kufi.