VIDEO/ Tahiri dorëzon mandatin e deputetit: Akuza për të gjithë, nga Meta tek Edi Rama…

Saimir Tahiri, ish-ministër i Brendshëm, tha se do të dorëzojë mandatin e deputetit që nga dita e sotme.

“Nuk do të jem më deputet, do të jem një qytetar i thjeshtë nga dita e sotme deri sa të zbardhet e gjithë  çështja për të cilën akuzohem”, tha Tahiri në një konferencë për mediat.

Duke premtuar se do të presë deri në fund drejtësinë, ish-ministri Tahiri ka shpërthyer në akuza për të gjithë ata që duke i quajtur, raca e politikanëve që  shkatërruar vendin.

Tahiri ka sulmuar pothuajse të gjithë politikën në vend, nga Presidenti Ilir Meta, Kryeministri Edi Rama, ministri i Brendshëm, Fatmir Xhafaj, kreu i PD-së, Lulzim Basha, ish-Kryeministri Sali Berisha, kryetarja e LSI-së, Monika Kryemadhi dhe kolegë të tij deputetë.

“Unë nuk jam palaço, s’kam nevojë as për imunitet dhe as për Parlamentin për t’u përballur me palaçot”, tha Tahiri.

“Më akuzon mua Basha, kllouni më qesharak që nuk u akuzua kurrë, vrau me Berishën as u gjykua, shkonte në Lazarat, krahëqafë më banditët atje, sot del si shul e ka fytyrë mua, më akuzon Berisha dhe lukunia që e ka bërë gojën corape me shpifje ndaj meje që sot janë të pahetuar të pagjykuar, për vrasje, vjedhje plaçkitje, e kanë rrënuar më keq se cdo pushtues nuk janë hetuar.

Më akuzon Monika dhe Iliri që zoti e di se ngado ti kapësh nuk ka ujë të shenjtë që nuk ia heq njollën. Për mua nuk del një shqiptarë të më thotë se jam hajdut se kam vjedhur lekët se kam marrë lekë për ti marrë në punë, por këta të mjerë që shqiptarët i drejtojnë gishtin për hajdutë si rrojnë, si ia bëjnë që shesin dëngla, si ia hodhën drejtësisë xhanëm, duke bërë harburtin, duke akuzuar të tjerët për gjëra që kanë bërë vetë, duke blerë gjyqtarë, shpërndarë tendera, marrë lekët për hipoteka, për të futur njerëzit në punë, duke blerë kundërshtarin në kuvend”, tha Tahiri.

Ish-ministri i Brendshme Saimir Tahiri në konferencën e tij për shtypë duke folur për akuzat që i kanë bërë këto gjashtë muaj, ka bërë një falënderim për kolegët e tij në Partinë Socialiste.

Tahiri tha se i falënderon të gjithë ata kolegë që i ndenjur në krah por dhe që nuk kanë folur.

“Nuk më kanë njohur aq sa më kuptonin se nuk e dija, por se nuk doja që hajdutët ti mbaja në krah. Tani janë bërë bashke kundër mejë dhe pushka top tu bëhet unë këtu jam dhe do ja dal. Opozita më ka akuzuar si trafikant para se të bëhesha ministër”, tha Tahiri.

Ish-ministri i Brendshëm Saimir Tahiri në konferencën e tij për mediat, ka hedhur disa akuza për Ramën dhe Xhafën, kur foli për kanabizimin e vendit.

Tahiri tha se pse nuk flet Rama dhe Xhafaj, për shifrat e kanabisit që kanë qenë më të ulëta në të gjithë 25 vite.

“Nuk i kishin aty qytete të tëra të mbjella me hashash? Tani iu thonë njerëzve dhe botës që i bëra unë.  Sot në Kuvend rrinë ministra, kryeministria, askush nuk ka lëvizur gishtin, sot rrinë si engjëj, shesin dëngla e më bëjnë moral, unë u përpoqa por mbajtja dhe palaçot e politikës në kurriz duke më bërë moral., ta dini, hapi shifrat e Guardia di Finanzia, në 4 vjet të qeverisë ku shërbeva, kultivimi i hashashit më pak se një vit i Saliut, as Kryeministri nuk e ka përmendur kurrë, as ministri e nuk e di pse”, tha ai.