Zyrtare/ KPK konfirmon në detyrë gjytaren Xhaxho, kaloi vettingun

Komisioni i Pavarur i Kualifikimit ka konfirmuar në detyrë gjyqtaren Manjola Xhaxho.

‘Konfirmohet në detyrë zonja Manjola Xhaxho, gjyqtare pranë gjykatës së Tiranës”, njoftoi sot zyrtarisht KPK.

Xhaxho është gjyqtarë në Gjykatën e Tiranës dhe gjithashtu kandidate për Këshillin e Lartë Gjyqësor dhe u be pjesë e listës prioritare për të kaluar në sitën e vettingut.

Relatorja Pine ne seancën dëgjimore ka thënë se mungon deklarata e pasurisë së gjyqtares për vitin 2006, periudhë në të cilin ajo pretendon se ka qene me studime jashtë vendit.

“Gjyqtarja ka pretenduar se atë vit ka qenë jashtë vendit me studime pasuniversitare. Xhaxho banon në një apartament 2+1 në pronësi të prindërve. Apartamenti është blerë në vitin 2001 dhe u është dhuruar prindërve në vitin 2011, ndërkohë që nuk ka pasuri të paluajtshme në emër të gjyqtares”, tha relatorja Pine.

Gjyqtarja nuk ka probleme me integritetin e figurës. “Për gjyqtaren ka vetëm dy ankesa, por në asnjerën prej tyre nuk ka patur shkelje ligjore si dhe nuk ka asnjë masë disiplinore”.

Në mbyllje, gjyqtarja ka kërkuar rikonfirmimin në detyrë: “Gjetjet tuaja qëndrojnë. Jam dakord me to. Kërkoj rikonfirmim në detyrë”.

Në adresë të saj është dorëzuar një ankesë, por sipas KPK nuk ka pasur asnjë shkelje dhe asnjë dënim.