50 vjetori ASH, Rama: Duhet dikush i asaj kohe akademike, që të garantoj këtë kohë kaotike! 

Përsëri duhet dikush i asaj kohe akademike që të garantoj këtë kohë kaotike me shpresën që do të kemi dhe ne kohën tonë akademike, tha sot Kryeministri Edi Rama në Konferencën jubilare kushtuar 50-vjetorit të themelimit të Akademisë së Shkencave duke harruar vlerësimet që kishte nxjerr nga goja për diktatorin, epokën dhe politikën e tij, me këtë fjalim krimineli Enver Hoxha rezulton liberal, madje aq liberal sa edhe akademikët i ka lejuar të qëndronte mënjanë nga ndikimi politiko-shoqëror i vendit.

“Fal reformës së vitit 2019 e cila u realizua nën një ndërveprim të udhëhequr nga Akademia e Shkencave dhe përsëri edhe kjo u realizua në lidershipin e Skënder Gjinushit, imagjinojeni sa domethënëse është kjo.
Përsëri duhet dikush i asaj kohe akademike që të garantoj këtë kohë kaotike me shpresën që do të kemi dhe ne kohën tonë akademike.

Sot akademia nga një vend i pashpresë përshpirtjesh, ku mbledhjet më të rëndësishme ishin ato që i jepnin lamtumirën ndonjërit që ikte në botën tjetër është kthyer në një hapësirë që po mbillen fidanët e të nesërmes,” tha Edi Rama duke promovuar edhe me këtë rast politikën e Enver Hoxhës e cila, sipas Kryeministrit, e paska lënë që Akademia e Shkencave të qëndroj larg politikës.

“Akademia edhe në atë kohë aq të zymtë në aspektin e lirisë qëndronte mënjanë nga ndikimi politiko-shoqëror i vendit. Një ndër episode që do të doja të rikujtoja është fjalimi i lamtumirës së Aleks Budës në varrimin e Selman Rizës.

Thuhet se ky akt i Aleks Budës si dhe prania në varrimin e gjuhëtarit bëri bujë qoftë në institute qoftë në mjedisin politik. Por qëndrimi i profesor Budës ishte një sfidë ndaj regjimit, një shprehje e mënjanësisë së akademisë në nderim të dijes dhe rrugës së shkencës. Në nderim për një punë kolosale siç ishte puna e Selman Rizës kushtuar kombit.”

Që vesi del me shpirtin e konfirmoi edhe sot Edi Rama në këtë ceremoni! Foli për Akademinë, larg nga politika e diktatorit, u bë sikur di gjë për Aleks Budën e madje edhe Selman Rizën, dhe në fund edhe para akademikëve, këtë institucion e lidhë me llaç e tulla, përkatësisht parketin e konsumuar.

“Para 90-ta ishte koha kur liria ishte e kufizuar dhe mundësitë e njerëzve të shkencës ishin tepër të ngushta. Por krahasimi para dhe pas 90-ës e bën pas 90-ën të ndihet jo mirë përpara atyre veprave dhe figurave. Në këndvështrimin tim tu them të drejtën kur vizitoja Akademinë e Shkencave pas 90-ës dhe dëgjoja ato kërcëllitjet e parketit të vjetër më duket sikur ishte Eqerem Çabej që përdridhej në varr. Një tregues për gjendjen e atij institucioni.”

Në fund, Kryeministri Edi Rama e mbylli me njeriun që e vuri në krye të këtij instiucioni dikur kriminal sot i padobishëm, Skender Gjinushi:

“Me shumë nderim për të gjithë ju edhe me një kënaqësi të madhe që e pashë këtë sallë të pushtuar akademikisht dhe duke ju siguruar se do jetë një pamje e paharruar për mua që do ma bëjë më të rëndë seancën e ardhshme të parlamentit, por do ta përballoj siç kemi përballuar dhe gjëra më të rënda ju shpreh gjithë mirënjohjen dhe respektin tim për sa i keni rezistuar injorantëve, dallkaukëve. Ju uroj me zemër që të mos dorëzoheni siç nuk dorëzohet i paoksidueshmi Gjinushi!”

Kështu, edhe 50 vjet pas krijimit të këtij institucioni kriminal, në krye të shtetit vazhdon të jetë biri i asaj kohe që të garantoj këtë kohë kaotike, me shpresën që ky llum i shoqërisë të vazhdoj të ketë kohën akademike kriminale komuniste!