Albin Kurti voton: I ftoj qytetarët që të respektojnë Atdheun duke votuar!

I ftoj qytetarët që të respektojnë Atdheun duke votuar dhe duke bërë zgjedhjen më të mirë sipas parimeve tha Kryeministri i Kosovës, Albin Kurti, sot pasi ka votuar për herë të parë në Shqipëri tek Qendra e Votimit pran Kopshtit 31 në Tiranë.

“Dita e zgjedhjeve është ditë e demokracisë, i ftoj qytetarët që të respektojnë Atdheun duke votuar dhe duke bërë zgjedhjen më të mirë sipas parimeve. Dita është e bukur, me diell, e diel dhe do jetë deri në mbrëmje.”

Ndryshe, Lëvizja Vetëvendosje në këto zgjedhje parlamentare kandidon me tre kandidatë të pavaruar, në Tiranë, Gjirokastër dhe Lezhë.

Pas orë pas këtij votimi, Kryeministri Kurti duke bërë të ditur se është kthyer në Prishtinë, shprehet:

“U ktheva në Kosovë, por paradite isha në Shqipëri për të votuar. Demokracia është sistemi që shqiptarët gjithnjë kanë dashur, dhe votimi është detyrë qytetare për ata që e duan demokracinë,” shprehet Kryeministri i Kosovës, Albin Kurti, përmes rrjetit social Facebook.