Bashkim Dedja: Procesi i Vetingut, si të kalosh varrin për së gjalli

“Njësoj si të kaloje varrin për së gjalli”.  Kështu e ka cilësuar kreu i Gjykatës Kushtetuese, Bashkim Dedja, proçesin e Vetingut, të cilin e kaloi me sukses pak ditë më parë.

Në një reagim për mediat, Dedja bëri me dije se vendimin e KPK-së për rikonfirmimin e tij në detyrë e ka pritur në shtëpi me familjarët e tij dhe thotë se nuk e kishte menduar për asnjë moment që nuk do e kalonte.

“Nuk mendova kurrë të jap dorëheqjen. Të kalosh Vettingun është sikur të kalosh “varrin për së gjalli”. Refoma është e rëndësishme.

Që nga muaji mars Gjykata Kushtetuese nuk funksionon dhe politika duhet të gjejë zgjidhje për këtë. Nëse të gjithë s’e meritojnë le të largohen, por sipas ligjit e kushtetuese”, thotë ai.

Sipas kreut të Kushtetueses, tani i takon përfaqësuesit të tij ligjor të merret me rastin e tij.

“Kolegji i apelimi do caktojë standardin e kryerjes së Vettingut. S’e kam menduar kurrë që s’do kaloja. Gjithçka mund të ndodhte. Vettingun e kam ndjekur në shtëpi me familjarët, ishte diçka me emocion. Pasi e ndoqa në shtëpi erdha në zyrë. Shqiptarët marrin drejtësi të vonuar dhe kjo është problem, sjell kosto”, tha Dedja.