25 Prilli, Elbasani votoi për kriminelë!
“Nëse doni ndryshim, votoni për ndryshim. Nëse doni kriminelë, votoni për kriminelë!” Bazuar në këtë thënie epike të Ambasadores së SHBA, Yuri Kim, pas ngjarjeve kriminale në këtë qytet në Ditën e Verës dhe fushatës zgjedhore, vrasjes së fundit gjatë përplasjes së aktivistëve të PS me ata të PD, ku u akuzuan dhe morën në pyetje vetëm demokratët dhe jo ata që blenin vota, 86.224 votat e marra ose 55.22 për qind për PS në Qarkun e Elbasanit që përkthyer në mandate janë 8, i japin përgjigjen ngjarjeve në këtë qytet ku sundon krimi!
Bazuar në rezultatin e zgjedhjeve të vitit 2017 ku PS kishte 72.881 vota ose 44.59 për qind, përkthyer në mandate janë 7, rritja nuk ka se si përkthehet ndryshe ndërsa deliri demokrat për suksesin në rritjen e numrit të votave ka një përgjigje logjike.
PD më 25 Prill vërtetë ka shënuar një rritje duke marrë 57.878 vota ose 37.06 për qind që përkthyer në mandate janë 6 ndaj 3 mandateve me 33.868 vota ose 20.72 për qind që kishte marrë në vitin 2017, por Partia Demokratike është pjesë e koalicionit ku është dhe PDIU e cila në vitin 2017 si parti e vetme në garë kishte marrë 29.431 vota ose 18 për qind që përkthyer në mandate janë 2.
Në fund, nuk duhet harruar LSI-në që konfirmon argumentin e krimit. Më 25 Prill LSI mori vetëm 6.892 vota ose 4.44 për qind ndërsa në vitin 2017 kur drejtohej nga krimi, kjo parti mori 23.536 vota ose 14.4 për qind që përkthyer në mandate ishte 2. Pse ra, përgjigjen e gjeni në struturat e PS!
