Të pakënaqur me Lulin, ja sa vota morën partitë që “i pjelli” Edi Rama

Me përfundimin e numërimit të votave të zgjedhjeve të 25 Prillit, përveç shit-blerjes së votave, kërcënimit dhe presionit të nëpunësve nga pushteti që konstatoj misioni i OSBE/ODIHR, kemi dhe rezultatin e atyre që u larguan nga Partia Demokratike dhe krijuan parti sepse ishin të pakënaqur me mënyrën se si Lulzim Basha udhëheqte partinë.

Fillimisht duhet pranuar se ato i shkaktuan dëm Partisë Demokratike, aq sa e dëmtuan, ndonëse jo në nivelin sa e kishte menduar ideatori i krijimit të këtyre partive, Kryetari i PS, Edi Rama.

Dhe, përveç fjalëve të më mëdha dhe CV-elektorale që kishin para zgjedhjeve të 25 Prillit, sot është e qartë se ata nuk i voton njeri as në vendlindjen e tyre.

Të fillojmë nga demokratja e madhe Jozefina Topalli. Partia e saj “Lëvizja për Ndryshim” mori 7.049 vota ose 0.45 për qind ndërsa vetëm në Bashkinë Shkodër kjo parti mori 1.106 vota ose 1.67 për qind.

Ndërkohë pas votave të numëruara në Bashkinë Shkodër, Jozefina Topalli rezulton se ka marrë vetëm 550 vota personale.

Partia e Myslim Murrizit “Lëvizja Demokratike Shqiptare” mori 4.698 vota ose 0.3 për qind ndërsa vetëm në Bashkinë Lushnjë kjo parti mori vetëm 556 vota ose 1.2 për qind.

Ndërkohë pas votave të numëruara në Bashkinë Lushnjë, Myslim Murrizi rezulton se ka marrë 163 vota personale.

Partia e Astrit Patozit “Bindja Demokratike” mori 8.238 vota ose 0.52 për qind ndërsa vetëm në Bashkinë Kavajë kjo parti mori 225 vota ose 0.95 për qind.

Ndërkohë pas votave të numëruara në Bashkinë Kavajë, Astrit Patozi rezulton se ka marrë vetëm 83 vota personale.

Në fund, partia e fundit që u shfaq si partia e shpresës “Nisma thurje” mori 10.216 vota ose 0.65 për qind. Simboli i kësaj partie, vajza e liderit të demokracisë Azem Hajdari dhe akuzuesja më e madhe e Lulzim Bashës, Rudina Hajdari kandidoi në Elbasan, qark ku kjo parti mori 1.736 vota ose 1.11 për qind.

Ndërkohë pas votave të numëruara në në Qarkun Elbasan, Rudina Hajdari rezulton se ka marrë 517 vota personale.

Sa arriti të dëmtoj Partinë Demokratike, Edi Rama, me “pjelljen” e këtyre partive flasin shifrat!

Që këta protagonistë nuk paskan qenë faktor elektoral as në Partinë Demokratike, deri më sot këtë fakt ka mundur ta dijë vetëm lideri historik Sali Berisha.

Sot, fatkeqësisht për fatin e tyre, e din e gjithë Shqipëria!