Danimarka e Australia ndahen në barazim

Danimarka dhe Australia ndanë nga një pikë, në përballjen që përfundoi 1:1, në ndeshjen e dytë të grupit C të Kampionatit Botëror – “Rusia 2018”. Ballafaqimi mes Danimarkës dhe Australisë ishte mjaft interesant e me rivalitet të madh deri në minutën e fundit.

Në minutën e 7-të, Christian Eriksen nga rreth 13 metra me një goditje të fuqishme shkundi portën e Australisë, 1:0. Dukej se ky gol do të t’i jepte edhe më shumë krahë danezëve, por me kalimin e minutave australianët u stabilizuan në lojë dhe ishin të rrezikshëm.

Në minutën e 37-të, gjyqtari spanjoll Lahzoi pasi shikoi sistemin e VAR-it, akordoi penallti për australianët, për shkak të prekjes së topit me dorë nga Poulsen. Jedinak në minutën e 38-të me mjeshtri gjuajti dhe bazazoi 1:1.

Me 26 qershor takohen: Australia-Peruja (16.00) e Danimarka-Franca (16.00)

Danimarka-Australia 1:1

Stadiumi “Cosmos Arena”, Samara.

Shikues: 40727.

Gjyqtar: A. Lahoz (Spanja).

Shënues: Eriksen (7’) – Jedinak (38’-nga penalltia).

Kartonat e verdhë: Poulsen, Sisto.

Danimarka: Schmeichel, Larsen, Christensen, Kjaer, Dalsgaard, Delaney, Schone, Sisto, Eriksen, Poulsen (Braithwaite 59’) dhe Nicolai Jorgensen (Cornelius 68’).

Australia: Ryan, Sainsbury, Risdon, Behich, Milligan, Rogic (Irvine 82’), Jedinak, Mooy, Nabbout (Juriç 75’), Kruse (Arzani 68’) dhe Leckie.