Varhelyi nis vizitën në Ballkan

Komisioneri për zgjerim i Bashkimit Evropian, Oliver Varhelyi, nis vizitën zyrtare në Ballkan në kuadër të së cilës sot po qëndron në Beograd.

Varhelyi, së bashku me kryeministren e Serbisë, Ana Brnabiç, do të vizitojnë Institutin e Shëndetit Publik “Dr Milan Jovanoviç Batut”, njoftoi Qeveria serbe.

Të martën, Komisioneri do të qëndrojë në Bosnje e Hercegovinë, Mal të Zi dhe Maqedoni të Veriut, ndërsa të mërkurën do të vizitojë Shqipërinë dhe Kosovën, ka njoftuar më herët Komisioni Evropian.

Gjatë vizitës në rajon, raporton RFE, Varhelyi do të bisedojë me zyrtarët vendas për pandeminë e koronavirusit dhe mbështetjen e BE-së në këtë kontekst, është thënë në njoftim.