Vuçiç: Kroacia po poshtëron Serbinë! Milanoviç: Manipulim me pavarësinë e Kosovës!
Rritjen e numrit të ushtarëve kroatë në kuadër të KFOR-it, Presidenti i Serbisë, Aleksandar Vuçiç e konsideroi si “poshtërim të Serbisë nga Kroacia” ndërsa Presidenti i Kroacisë, Zoran Milanoviç, duke iu përgjigjur tha se nëse do ta dinte se Serbia shqetësohej aq shumë, do të kishte biseduar me homologun serb, por konsideron se kjo po bëhet për konsum të brendshëm në Serbi.
Por ministri i Jashtëm i Kroacisë, Gordan Grliç Radman, ai cili i gjatë vizitës në Kosovë paralajmëroi ngritjen e një kampi ushtarak në Kosovë dhe shkaktoi reagime të ashpëra në Serbi, ishte më i ashpër se Presidenti duke sqaruar Serbinë se nuk është e vetëdijshme që Kroacia nuk është më në Republikën Socialiste Federative të Jugoslavisë, RSFJ, por në BE dhe NATO.
“Ushtarët kroatë janë kryesisht atje për të mbrojtur Kroacinë, dhe format e tjera të bashkëpunimit janë të dëshirueshme. Kosova është njohur nga i gjithë Bashkimi Evropian, përveç pesë vendeve, kështu që kjo është një marrëveshje e kryer, nuk është një provokim për Serbinë,” tha fillimisht presidenti kroat duke shtuar se çështja e pavarësisë së Kosovës ka çuar në luftëra dhe se kjo po përdoret për konsum të brendshëm në Serbi.
“Ata nuk dinë si të dalin nga kurthi ku e kanë futur veten 30 vjet më parë. Çështja e pavarësisë së Kosovës ka çuar në luftëra. Vazhdimisht po manipulojnë me këtë. Është një mënyrë që përdoret për të mbajtur në tension votuesit e tyre,” tha Presidenti i Kroacisë, Zoran Milanoviç.
Por shefi i diplomacisë kroate, Gordan Grliç Radman, i cili sapo përfundoi vizitën në Kosovë nuk u kursye ndaj marrëzive serbe, por i ftuar në lajmet qendrore të televizionit publik të Kroacisë, HRT, tha se Serbia duhet ta kuptoj realitetin gjeopolitik.
“Ne për vendosjen e forcave tona ushtarake bisedojmë me partnerët tanë, aleatë brenda NATO-s, Serbia aty nuk është partner. Kroacia e ka pranuar sovranitetin ndërkombëtarë të Kosovës. Në kuadër të vizitës së Kosovës kam vizituar kontigjentin e 34-të të ushtrisë kroate, i cili atje gëzon respekt. Kam biseduar me gjeneralin italian, komandantin e tyre. Ata janë njëra prej njësiteve më të mira që kontribuon për paqe dhe stabilitet të qëndrueshëm në atë rajon,” tha Gordan Grliç Radman duke shtuar se atë që flet zoti Vuçiç na kujton se ende, edhe pas 30 viteve, Serbia nuk është e ndërgjegjshme se ne nuk jemi në RSFJ.
“Kroacia është anëtare e BE, është anëtare e NATO-s. Nëse kujtojmë se zotit Vuçiç në marsin e vitit 1995 thoshte se Glina kurrë nuk do të jetë Kroaci, atëherë kjo flet shumë,” tha Ministri i Jashtëm i Kroacisë, Gordan Grliç Radman, duke rikujtuar retorikën luftarake të Aleksandar Vuçiçit për Glinën dhe Krajinën e pushtuar në atë kohë nga serbët, e cila për 3 ditë u çlirua nga forcat kroate, dhe sot Vuçiçi me komandantin e tij Sheshel, Glinën mund ta shohin vetëm përmes ekranit televizionit nga Beogradi.
