Vendimi/ Gjykata e Posaçme, 37 vite për Grupin e Habilajve

Gjykata e Posaçme për Korrupsionin dhe Krimin e Organizuar, GJKKO, ka dhënë sot vendimin për Grupin e Habilajve duke e dënuar me gjithsej 37 vite burg për disa vepra penale si trafik droge, grup të strukturuar kriminal etj.

Kështu, GJKKO ka dënuar Moisi Habilajn me 15 vite burg dhe për shkak të gjykimit të shkurtuar i ulet dënimi në 10 vite. Ndërsa Nezar Seiti, Fatmir Minaj e Meridian Sulaj janë dënuar me nga 13 vite e 6 muaj burg, që me gjykim të shkurtuar dënimi ulet në 9 vite.

SPAK kërkoi dënimin me 63 vite burg për Grupin Habilaj. Konkretisht, SPAK kërkoi për Moisi Habilajn 18 vite burg, Nezar Seitin 15 vite burg, Meridian Sulajn 15 vite burg dhe Fatmir Minajn 15 vite burg.

Ndryshe, Grupi kriminal i drejtuar dhe i organizuar nga vëllezërit Habilaj ka trafikuar nga brigjet shqiptare drejt atyre italiane rreth 30 tonë kanabis sativa për 4 vite. Në këtë konkluzion kanë dalë hetuesit italianë, sipas të cilëve, kjo bandë xhironte në treg 300 mln euro.