Trafik droge Gjermani-Zvicër, në Tiranë arrestohet koka e grupit. I dyshuari tjetër largohet…

Prokuroria e Tiranës ka arrestuar një person të dyshuar si koka e trafikut të drogës Gjermani-Zvicër ndërsa një tjetër i dyshuar është larguar drejt Greqisë.

Mësohet se Prokuroria e Tiranës pasi ka marrë nën hetim dy persona, të cilësuar bashkëpunëtor të një rrjeti të trafikut të drogës në Gjermani e Zvicër, ka rritur të arrestoj shtetasin Ndriçim Harka, zjarrfikës në Tiranë, i cili dyshohet se është dhe koka e grupit të trafikantëve.

Trafiku është kryer në vitin 2015 dhe ai është zbardhur me përgjimet e grupit pasi mësohet se trafiku i drogës është kryer nga numra celularë shqiptarë.

Gjithsej janë 7 persona pjesë e grupit, 5 prej të cilëve të arrestuar në Zvicër. Burime bëjnë me dije se për punëtorët që rekrutoheshin për trafikun e drogës, merrnin një pagesë prej 3500 euro.

Ndryshe, arrestimi i 5 anëtarëve të këtij grupi kriminal në Zvicër dhe sekuestrimi i 3 kilogramëve kokainë është shoqëruara dhe me dërgimin e letërporosive në Tiranë, që solli më pas dhe kapjen e kokës së grupit, Ndriçim Harka.