Parlamenti i Kosovës shkarkon Bordin e RTK-së
Çerdhja e nepotizmit, punësimit të njerëzve të paaftë, partiak e familjar sot është pa Bord drejtues. Deputetët e Parlamentit të Kosovës, kanë votuar për shkarkimin e Bordit të RTK-së duke mbështetur rekomandimin për shkarkimin e këtij Bordi.
Partitë opozitare PDK, LDK dhe AAK, fajtore ekskluzive për politikën redaksionale dhe gjendjen financiare në të cilën ndodhet televizioni publik, RTK, kanë kundërshtuar një gjë të tillë, duke e quajtur këtë e vendim si puro politik dhe tentim për kapje të shtetit, por nuk thanë asnjë fjalë pse kjo medie publike lufton Presidentin dhe Qeverinë e Kosovës si para ashtu dhe pas zgjedhjeve.
Parlamenti gjithashtu nuk aprovoi raportin vjetor të RTK-së për vitin 2020, i cili nuk ishte as raport.
Pas shkarkimit, Bordi i RTK-së ka reaguar duke e quajtur këtë vendim politik, antiligjor dhe ndërhyrje flagrante në transmetuesin publik duke paralajmëruar se do të ndjekë të gjitha rrugët ligjore për ta kundërshtuar këtë vendim arbitrar, por harron se dhe votimi i këtij Bordi dhe të gjitha bordeve parardhëse ishin politike, antiligjore dhe ndërhyrje flagrante në transmetuesin publik, ku për përbërjen e Bordit gjithmonë ka vendos partia në pushtet dhe jo profesionalizmi të cilit ata i referohen sot kur shkarkohen.
Madje, për ta konfirmuar këtë fushatë denigruese politike kundër atyre deputetëve që votuan për shkarkimin e këtijë Bordi flet dhe reagimi i Drejtorit të Përgjithshëm të RTK, Ngadhnjim Kastrati, i cili ndonëse nuk ka lidhje se kush votohet ose shkarkohet nga Parlamenti i Kosovës në Bord sepse nuk është punë e tij, akuzon mënyrën e shkarkimit të anëtarëve të Bordit të RTK-së duke e konsideruar precedent të rrezikshëm për RTK-në, dhe të ardhmen e medias publike.
Drjetori i Përgjithshëm në reagimin e tij foli për profesionalizmin e disa anëtarëve të Bordit që flasin CV-të dhe përvoja e tyre dhe zgjedhja e tyre nga Parlamenti, por jo dhe heshtjen e këtij Bordi dhe atyre paraardhës ndaj nepotizmit që mbretëron në këtë media kriminale që shpërdoron paratë e qytetarëve të Kosovës duke mos harruar dhe faktin se ky drejtor, pra Ngadhnjim Kastrati, u emërua nga ky Bord.
Ndryshe, 7 anëtarët e shkarkuar të Bordit të RTK-së janë: Sali Bashota, Agron Gashi, Lirim Geci, Fadil Miftari, Ilir Bytyçi, Bajram Mjeku, Petrit Musolli dhe Albinot Maloku.
