Bllokimi i 1.5 milionë euro në port, ja ç´paralajmëroi Basha të enjten në Kuvend…

Sot në Portin e Durrësit u bllokuan në një automjet 1.5 milionë euro. Sasia e eurove të bllokuara ishte prerje 100-she dhe ato u gjetën në një automjet tip ‘Tojota Jaris’ pa targa. Dyshimet janë se mjeti ishte nisur nga Belgjika, ndërsa policia nuk ka dhënë edhe një komunikatë zyrtare për ngjarjen.

Por, çfarë deklaroi të enjten në Kuvend, gjatë seancës parlamentare, kreu i PD-së, Lulzim Basha?

Ndërsa po fliste për integrimin dhe hapjen e negociatave, Basha pati një replikë me kreun e grupit parlamentar të PS-së, Taulant Balla, i cili po qeshte me deklaratat e kreut të PD-së, kur ky i fundit tha se vendimi i Gjermanisë është për moshapjen e negociatave, dhe përmendi një seri kushtesh që ishin vendosur nga ky vend.

“Qesh ti qesh, zgërdhiu! Ai që po zgërdhihet më shumë ka qenë para tri ditëve në Shqipëri.

Ai zgërdhitësi ka marrë “Toyta Yaris”-in. Por t’u zbulua Toyota”, bashkë me 1.5 milion euro të drogës brenda.

Sepse zgërdhitësi thoshte s’kemi probleme, s’kemi drogë, reformat po ecin, krimi po luftohet, ekonomia po ecën, ku në fakt e vërteta është ajo që di çdo shqiptar e nuk ka nevojë ta thotë opozita”, u shpreh Basha.