Shqiptarët po shtrohen në spitalet psiqiatrike të Gjermanisë, që mos kthehen në çmendinën e Ramës

Edi Paloka, nënkryetari demokrat i Kuvendit, përmes një komenti në rrjetet sociale shkruan se shqiptarët janë gati të shtrohen në spital;et psiqiatrike të Gjermanisë për të përfituar azil, vetëm që të mos kthehen në çmendinën e Edi Ramës.

Paloka i referohet disa rasteve kur shqiptarë që kanë kërkuar azil, kanë përfituar duke shtruar familjarë në spitalet psiqiatrike.

“Në spital psikiatrik në Gjermani vetëm për të mos u kthyer në çmendinën e Ramës.

Një miku im, i sapo kthyer nga Gjermania ku tentoi të merrte azil sëbashku me familjen , më tregoi një fakt vërtetë rënqethës për realitetin e atyre që ikin nga Shqipëria për të kërkuar azil.

Një numer jo i vogël i shqiptarëve , për të fituar azilin, po me raste edhe vetëm për të shtyrë disa muaj kthimin në Shqipëri, janë shtyrë deri aty sa kanë shtruar bashkeshortët në spital psikiatrik.

Miku im më tregon se si u përhap në masë ky “variant” në një prej landeve sepse dikush kishte patur “sukses” me traumën psiqike të bashkëshortes në marrjen e letrave.

Sigurisht, burra e gra binin dakort për sakrifica të tilla vetëm që familja e tyre mos kthehej në çmendinën që e ka kthyer vendin Edvini i “Rilindjes”

Prandaj shqiptarët ikin njësoj me sirianët dhe qytetarët vendet e të cilëve janë në luftë, nga Shqipëria e Ramës”, shkruan Paloka.