Arti në Zi/ Shuhet Kujtim Alija!

Arti në Zi. Është ndarë nga jeta dirigjenti i njohur shkodran, Kujtim Alija.

Lajmin e hidhur e dha Kryetarja e Bashkisë Shkodër, Voltana Ademi. Largimin e parakohshëm nga kjo botë të Mjeshtrit të Madh Kujtim Alija, Voltana Ademi e quan një humbje të jashtëzakonshme për artin e kulturën shqiptare.

“Nuk gjej fjalë për të përshkruar këtë ikje shumë të parakohëshme të mësuesit tim, të mësuesit të të gjithë fëmijëve, të mjeshtrit të madh Profesor Kujtim Alija,” thekson Kryetarja e Bashkisë Shkodër, Voltana Ademi.

Ndryshe, dirigjenti i njohur, ka qenë organizator për shumë vite i Festivalit mbarëkombëtar të fëmijëve si dhe drejtues i Qendrës Kulturore të Fëmijëve në Shkodër.

Kohët e fundit vuante nga një sëmundje e rëndë e cila i mori jetën. Kujtim Alija mban titullin Mjeshtër i Madh.