Berisha përjashtohet nga Grupi, Ambasada e SHBA: Kryetari Basha meriton respekt!
Duke e konsideruar vendim të vështirë përjashtimin e Ish-Presidentit Sali Berisha nga Grupi Parlamentar i Partisë Demokratike, Ambasada e SHBA në Tiranë thekson se Kryetari Lulzim Basha meriton respekt dhe pret me kënaqësi të punojmë më ngushtë se kurrë me Kryetarin Basha dhe PD për të forcuar marrëdhëniet SHBA-Shqipëri.
“Shtetet e Bashkuara kanë pasur një marrëdhënie të veçantë me Partinë Demokratike që nga themelimi i saj dhe presim me kënaqësi të punojmë më ngushtë se kurrë me Kryetarin Basha dhe Partinë Demokratike për të forcuar marrëdhëniet SHBA-Shqipëri,” thekson Ambasada e SHBA në Tiranë në reagimin e saj duke shtuar se ashtu siç ndodhi 30 vjet më parë dhe në momente të tjera kritike në historinë e Shqipërisë, Partia Demokratike ka kurajon për t’u ndarë nga e shkuara me qëllim që të ndërtojë të ardhmen, për të ndihmuar që ta udhëheqë Shqipërinë përpara.
Ndryshe, duke e bërë të qartë se Partneriteti i Partisë Demokratike me Shtetet e Bashkuara është i pacënueshëm dhe do duhet të vijojë të mbetet i tillë, në interes të demokratëve, në interes të së ardhmes së Shqipërisë, duke e konsideruar SHBA aleatin tonë strategjik më të rëndësishëm për Shqipërinë, pas shpalljes së liderit historik Sali Berisha NON GRATA nga Departamenti i Shtetit, Kryetari i PD, Lulzim Basha, dje ka vendosur që deri në përfundimin e shqyrtimit të kërkesës ligjore për transparencë dhe zbardhjes së plotë të kësaj çështje në rrugë gjyqësore, z. Berisha nuk do të jetë anëtar i Grupit Parlamentar të Partisë Demokratike.
Deklaratë:
Vendimi i vështirë i shpallur dje nga Kryetari Lulzim Basha meriton respekt. Ky vendim demonstron se, ashtu siç ndodhi 30 vjet më parë dhe në momente të tjera kritike në historinë e Shqipërisë, Partia Demokratike ka kurajon për t’u ndarë nga e shkuara me qëllim që të ndërtojë të ardhmen, për të ndihmuar që ta udhëheqë Shqipërinë përpara.
Shtetet e Bashkuara kanë pasur një marrëdhënie të veçantë me Partinë Demokratike që nga themelimi i saj dhe presim me kënaqësi të punojmë më ngushtë se kurrë me Kryetarin Basha dhe Partinë Demokratike për të forcuar marrëdhëniet SHBA-Shqipëri.
The difficult decision announced yesterday by Chairman Lulzim Basha deserves respect. This decision demonstrates that – as was the case 30 years ago and at other critical moments in Albania’s history – the Democratic Party has the courage to break from the past in order to build the future, to help lead Albania forward.
The United States has had a special relationship with the Democratic Party from its founding and we look forward to working more closely than ever with Chairman Basha and the Democratic Party to strengthen U.S.-Albania relations.
