Podgoricë, kapen rreth 300 kg marijuanë nga Shqipëria

Kontrolli doganor i Podgoricës ka zbuluar rreth 300 kilogram marijuanë në një autobot me targa të Bosnje Hercegovinës që ishte futur në Mal të Zi nga Shqipëria.

Në autobotin boshnjak i cili drejtohej nga shtetasi M.M., raporton televizion publik i Malit Zi, RTCG, kontrolli i detajuar i doganës së Podgoricës zbuloi se ishte ndërtuar një bunker ku dhe ishte fshehur subtanca narkotike që për destinacion kishte Bosnje Hercegovinën.

“Në orët e pasditës ka ardh autoboti nga Shqipëria dhe kolegët e çuan në terminalin doganor Podgoricë, për kontroll të detajuar. Atëherë me skander kemi konfirmuar se në autobot, i cili duhej të shkonte në Bosnje Hercegovinë, në të paktën një të pestën kishte të ndërtuar një bunker special për kontrabandë. Dhe, aty, sipas të dhënave të para, janë gjetur rreth 300 kilogram marijuanë. Malli dhe personi janë dorëzuar në polici për procedim,” tha për RTCG, Drejtori i Doganës Podgoricë, Sinisha Raiçeviç.