Paloka-Ramës: Punove që negociatat mos hapeshin, i pafytyrë…

Nënkryetari demokrat i Kuvendit, Edi Paloka, ka reaguar përmes një komenti në rrjetet sociale, lidhur me deklaratat e Kryeministrit Edi Rama për negociatat, për të cilat BE vendosi shtyrjen me të paktën 1 vit.

Paloka shkruan se është tërësisht meritë e Edi Ramës që BE i mbylli derën Shqipërisë.

“Ja se si pafytyrësia të nxjerr të sinqertë padashje.

E quan “fitore” mos hapjen e negociatave.

E bën me shpresë se do vazhdojë të mashtrojë shqiptarët, por pa dashje thotë një të vërtetë; për Ramën është vërtetë “fitore” që negociatat nuk u hapën.

Ai ishte i vetmi që dëshironte dhe punoi bashkë me Tahirin, Xhafajn, Ahmetajn, Gjiknurin, Dakon, Ballën…që negociatat të mos hapen.

Është tërësisht “meritë” e tij që na e mbyllën derën dhe një herë.

Po nuk larguam Ramën do na largohet Evropa”, shkruan Paloka.