Christopher Hill emërohet Ambasador i SHBA në Serbi

Diplomati amerikan, Christopher Hill, u emërua Ambasador i ri i Shteteve të Bashkuara në Serbi.

Shtëpia e Bardhë tha se emërimin e bëri presidenti amerikan, Joe Biden.

Hill është njohës i mirë i rajonit, pasi ishte zëvendës i Richard Holbrookut, negociatorit kryesor amerikan gjatë bisedimeve në Dejton, të cilat i dhanë fund luftës në Bosnje e Hercegovinë, në vitet 1990.

Gjithashtu, Chris Hill ishte edhe i dërguar i posaçëm i SHBA-së në Kosovë.

Christopher Hill ishte ambasador në Irak, Kore të Jugut, Poloni, Maqedoni dhe për kohë të shkurtër në Shqipëri.

Ndryshe, ai do ta zëvendësojë Anthony Godfreyn, i cili ka qenë Ambasador i SHBA-së në Beograd qysh në nëntor të vitit 2019.