Nga “Foltorja” në Librazhd, Berisha: 11 Dhjetor, Kuvendi i rithemelimit të PD!

Mikërpitja e “Foltores” në Librazhd tjekaloi parashikimet e atyre që flisnin për një zonë demokrate dhe të shtypur nga Edi Rama ndërsa lideri historik i Partisë Demokratike Sali Berisha nuk i fshehu dot emocionet gjatë fjalëve të fundit të hymnit kombëtar ku dy gishtat e fitores e përmbytën sallën e Pallatit të Kulturës që në sekondat e para të takimit.

Demokratëve të Librazhdit u foli për qeverisjen e dështuar të Kryeministrit Edi Rama, krimin elektoral të 25 Prillit, dështimin e kryetarit aktual të PD, Lulzim Basha, nevojën e Kuvendit të 11 Dhjetorit ndërsa i dha përgjigje edhe akuzës së Bashës për lidhjen e Berishës me eksponentë të krimit për  mbledhjen e firmave për thirrjen e Kuvendit.

Kuvendi i 11 Dhjetorit do të jetë Kuvend i rithemelimit të PD, tha Ish-Presidenti Sali Berisha duke e cilësuar Kuvendin e thirrur nga kryetari aktual i PD, Lulzim Basha, si Antikuvend.

“Ne hymë në këtë vjeshtë si njerëz thellësisht të lënduar, si një shoqërie e cila nuk votoi dot si shoqëri e qytetëruar. Vërtet Edi Rama rrëmbeu vota si asnjëherë më parë duke përdorur të gjitha potencialet e shtetit si në diktaturë. Por pengkryetari i cili u zotua se do të mbrojë votën tuaj harroi çdo zotim, shkelmoi çdo zotim dhe u mor vetëm me karrigen e tij dhe filloi bashkëpunimin e turpit me Edi Ramën. PD-në e shndërroi në një ministri të narkoshtetit shqiptar. Këto ndodhën pasi ne kaluam nga një rekord të zi në një tjetër rekord të zi. Në Shqipëri si kurrë në ndonjë vend tjetër borxhi u rrit me 5 herë më shumë se në 8 vitet e mëparshme. Shqiptarët masivisht po largohen nga Shqipëria si njerëz të pashpresë pasi opozita nuk ndezi dot dritën e shpresës në zemrat e tyre. Kryetari i saj u dëshmua një peng i turpshëm në krye të opozitës shqiptare. Ai sot jeton në katër mure duke iu lutur pengmarrësit të tij. Po ik jep dorëheqjen se jue jemi parti e dinjitetit dhe idealeve. Një njeri i shkolluar në perëndim që nuk njeh asnjë rrgull moral dhe ligjor. Sot ai ka në dorë vetëm ligjin e partisë, statutin duke thyer çdo nen. Për të Këshilli, Kuvendi nuk ekzistojnë.

Sot ai ka njoftuar se ka marrë ftesë për në SHBA. Lulzim në Shtëpinë e Bardhë shkoi edhe Saimir Tahiri, ti shkon aty me dy dosje të rënda. Dosjen Muzin dhe Toyota Yaris, këtë të dytën e ndan me Taulant Ballën, për të parën 3 vite më parë u nis në SHBA, një grup demokratësh doli ta priste, por nuk erdhi. Po të vinte do të arrestohej thanë. Dosja Muzin është përvëluese për të. Po dridhen themelet e narkoshtetit. Ata kanë frikë të shkojnë të kontrollojnë formularët duke i konsideruar lluam ata që shkojnë në Foltore. Peng Basha bëri fjalë edhe për lidhje me krimin të miat dhe Foltores. Suel Çelen e kam denoncuar më shumë se askush tjetër. Shkoni në Facebookun e Lulzim Bashës nuk e ka përmend asnjëherë. Shikoni tabulatet e bisedave tona ku më kërkonte mos i përmendja emrin. I ka ngelur vetëm shpifja dhe tërbimi. Pengun e urdhëruan të thërrasë antiKuvendin e datës 18. Lidhur me firmat jo vetëm që janë 4200 por po shkojnë drejt 5000. Pse ne nuk i publikojmë? E para është ligji i të dhënave, neni i Kushtetutës për mbrojtjen e të dhënave personale. Kanë frikë dhe tmerr prej tyre,” tha Sali Berisha duke e cilësuar “Foltoren” një mrekulli të arritur për një kohë të shkurtër ku bashkohen njerëz të lirë dhe risjellin në këtë vend atë që e zhdukën, narkoqeveria dhe pseudoopozita.

“Janë jo të paktë personalitete në Shqipëri dhe jashtë që shprehen se Foltorja është i vetmi zhvillim pozitiv i 8 viteve në Shqipëri. Ftoj dhe pengkryetarin të vijë në Foltore dhe t’ju dëgjojë. Ai nuk vjen dot, nuk e lënë, ka humbur veten e tij.
Çështja se kjo betejë është për interesat personale të Sali Berishës është absolutisht e pavërtetë. Çështjen e dinjitetit e kisha personale, por jo vetëm se jam votuar e mbështetur nga shqiptarët më shumë se kushdo tjetër. Megjithatë mbrojtjen e dinjitetit tim unë ia besova gjykatës. Kam shumë miq në SHBA, Europë e kudo, qindra miq, njohje shumëvjeçare, asnjërit prej tyre nuk i kam kërkuar ndihmë sepse kam zgjedhur sallën e gjyqit. Të vërtetat të dalin në gjyq. Rezultati është ky, sot në hapësirën europiane është krejtësisht tjetër qëndrim. Përfaqësues të vendeve mike më kanë dërguar mesazhe direkte se ne nuk pajtohemi me këtë qëndrim,” tha Berisha duke shtuar:

“Së pari nuk jemi pyetur, së dyti nuk mund të pranojmë të thuhet kemi fakte, por s’i themi. Së treti, e qartë si drita e diellit se gjithçka është stisur për të ndihmuar qeverinë e shkatërruar opozitën në funksion të qeverisë. Së katërti, nga ata që kanë parë dosjen, ka zero, s’ka asnjë fakt, s’ka asnjë dokument, s’ka asnjë provë. Unë për të mos thënë këtu se elita kryesore republikane e sheh betejën tonë me mafien e Soros si një betejë etike për mbrojtjen e vlerave konservatore jo vetëm në Shqipëri por dhe më gjerë. S’ka lidhje me foltoren kjo. Me foltoren ka lidhje një gjë tjetër, pengkryetari mori një vendim me zero vlerë për të larguar mua nga grupi parlamentar. Një kryetar që ka humbur katër zgjedhje nuk mund të pranohet kurrë më tutje si kryetar,” tha Ish-Presidenti Sali Berisha i cili pas ankesave të qytetarëve u shprehë qartë se duan ta kthejnë pushtetin tek qytetari.

“Bashkimi është synimi ynë madhor. Forca buron nga liria, nga vota. Ju do të zgjidhni me votën tuaj. Niveli juaj politik shumë i lartë dhe idealet tuaja janë shumë të pastra. Jam dëshpëruar shumë kur kam parë kryesinë e PD, 60% e saj e emëruar nga kryetari. Forma më komuniste. Ju bëj thirrje atyre jepni dorëheqjen nga kjo kryesi. Për të qenë në Kryesi duhet të votohesh me votë në Këshillin Kombëtar. Gjatë atij votimi 5% e anëtarëve të Këshillit kishin të drejtë të votonin anëtarin e kryesisë. Do rivendosim normat demokratike shumë më të fuqishme dhe më të gjera se ç’i kemi pasur,” tha lideri historik i PD duke u zotuar se Partia Demokratike do të kthehet tek shtyllat kryesore të ekzistencës së saj, një prej tyre të përndjekurit politikë.

“Në Kuvendin e datës 11 dhjetor, tribuni i pluralizmit shqiptar, Azem Hajdari do të shpallet president nderi i përjetshëm i kësaj partie. Së dyti, e vërteta është se në analizë të ftohtë një nga shkaqet më themelore të dështimit tonë 8-vjeçar pa asnjë diskutim është largimi i PD-së nga shtyllat kryesore të ekzistencës së saj, të përndjekurit politikë, pronarët dhe vlerat kryesore të forcave konservatore në botë, familja, dinjiteti njerëzor, prona, interesi kombëtar. Unë u them demokratëve se në qoftë se PD mbijetoi në ’97, mbijetoi nga mbështetja e të përndjekurve politikë. Ata qëndruan të pamposhtur. Asnjëherë nuk harroj unë figurat e tyre, qëndresën e tyre në çdo vështirësi që mund të binim, ata ishin të palëkundur, të pamposhtur. I pamposhtur ishte Pjetër Arbnori, Ali Spahia. Qe periudhë e vështirë, periudhë që u bë gjithçka të asgjësonin PD-në, sepse ata nuk i falnin PD-së përmbysjen e diktaturës. Ata donin të vazhdonin pas 91-92 siç vazhdoi Milloshevici në Beograd dhe përmbysja e pushtetit ishte çështja që i bënte më hakmarrës se kurrë. Të përndjekurit ishin parzmorja, ndaj ne do kthehemi fuqimisht në idealet tona.”

Me këtë rast, Sali Berisha e cilësoi Kuvendin e thirrur nga kryetari Lulzim Basha si Antikuvend dhe histori turpi që nuk është parë gjatë pluralizmit shqiptar.

“Kuvendi i 11 dhjetorit do të jetë kuvendi i rithemelimit të PD. Ky është vullneti i demokratëve që mblidhen me qëllimin fisnik të rikthimit të PD në një forcë vigane, konservatore opozitare në Shqipëri. Për PD, të përndjekurit politikë, trashëgimia e tyre, janë dhe do të jenë burim i pa shtershëm frymëzimi dhe force. Një trashëgimi e vyer që duhet të na frymëzojë ne, brezat që do të vijnë. Sa herë të lexosh, Vilson Blloshmin dhe Genc Lekën, të ndjekin, nuk të ndahen vargjet e tyre. Kryevepra të vërteta të letrave shqipe.

PD do i rikthehet vlerave të saj dhe pa diskutim familja, mbështetja, vlerësimi i saj do të jenë epiqendër i programit të partisë, ky është një kusht për një shoqëri të lirë, të bazuar në vlera, por ky është një kusht për tu rritur ekonomikisht. Ata të cilët sot, si mafie e Geroge Sorosit, nëpërkëmbin me ligje ateiste familjen shqiptare do të përballen shumë shpejt me PD, pasi ne demokratët do të votojmë me këmbë, duar, protestat tona e më pas me votën tonë të lirë. Në të ardhmen, politika shumë të fuqishme do të ndërtohen në mënyrë që të rinjtë të bëhen promotorë të zhvillimit të këtij vendi. Anti-Kuvendi është një histori turpi, e cila nuk ekziston në analat e pluralizmit shqiptar,” tha lideri historik i Partisë Demokratike, Sali Berisha duke e përmbyllur takimin me demokratët e Librazhdit me ftesën për “Foltoren” e radhës me Forumin e Gruas në Tiranë.