Lefter Koka në GJKKO, Basha: Koha na dha të drejtë!
Në kohën kur Ish-Ministri i Mjedisit, Lefter Koka, i ishte drejtuar Gjykatës së Posaçme kundër Krimit dhe Korrupsionit, ku pritet ti caktohet dhe masa e sigurisë pas arrestimit, Kryetari i shkarkuar i Partisë Demokratike, Lulzim Basha, shprehet se koha i dha të drejtë PS-së!
“Për vite me radhë Partia Demokratike ka denoncuar aferën mafioze të inceneratorëve, ndërsa zbatuesit e kësaj skeme e mbrojtën me çdo mjet e formë plaçkën 430 milionë euroshe me taksat e qytetarëve shqiptarë. Koha na dha të drejtë!” thekson Lulzim Basha në reagimin e tij përmes rrjeti social shoqëruar dhe me një video ndërsa përfundon:
“Lufta kundër korrupsionit është jetike për Shqipërinë dhe ne jemi të vendosur t’i japim fund pandëshkueshmërisë, sepse pa rezultate konkrete në luftën me këtë armik të mirëqenies së shqiptarëve, asgjë nuk mund të ndryshojë.”
Ndryshe, Ish-Ministri Lefter Koka u arrestua dy ditë më parë nga SPAK, pasi akuzohet për shpërdorim detyre, korrupsion dhe pastrim parash. Lefter Koka akuzohet se ka abuzuar me tenderat e inceneratorëve, që konsiderohet si një nga aferat më të mëdha të dekadave të fundit në vend.
