RENEA dhe Garda/ Mbron Bashën, Edi Rama: Policia e Shtetit s’ka lidhje…
Pas raportimeve dhe pamjeve të publikuara në media me njerëz të armatosur dhe me maska në tarracën e selisë së Partisë Demokratike, dhe akuzave të liderit historik të PD, Sali Berisha, se Lulzim Basha po ndihmohet nga Kryeministri me forcat e RENEA-s dhe ato të Gardës, ka reaguar Edi Rama duke theksuar se Policia e Shtetit nuk ka asnjë lidhje me tymin e marrëzisë që po djeg PD ndërsa shprehu keqardhje për demokratët e thjeshtë.
“Unë s’kam asnjë punë me kacafytjen e dy kufomave politike njëra grata tjetra nongrata që e kanë futur Partinë Demokratike në inceneratorin e marrëzisë së tyre,” thekson Edi Rama në reagimin e tij përmes rrjetit social Twitter duke përfunduar:
“Policia e Shtetit jo e jo që nuk ka asnjë lidhje me tymin e marrëzisë që po djeg PD. Keqardhje për demokratët e thjeshtë!”
Ndryshe, Kryeministri Edi Rama nuk përgënjeshtroi mediat për njerëz të armatosur dhe me maska në tarracën e selisë së PD ndonëse nuk sqaroi që nëse nuk janë policë pse ekziston Policia e Shtetit, kur njeriu që po e mbron politikisht dhe me fjalë, detyrohet të angazhoj mercenarë të maskuar për të mbrojtur karrigen.
