Viti i ri troket në Zelandën e Re

Viti i Ri 2022 ka trokitur tashmë në Zelandën e Re.

Atmosfera duket e zymtë, për shkak të kufizimeve dhe masave për parandalimin e përhapjes së koronavirusit.

Por, ndërrimi i viteve sërisht kremtohet mes frikës së pandemisë të shkaktuar nga koronavirusi. I përhapur si një tsunami në pjesë të ndryshme të globit, varianti i ri i koornavirusit, Omicron bëri të shpërthenin sërish nivelet pandemike e për të dytin vit me radhë, qytete të mëdha janë detyruar t`i reduktojnë festimet, e në disa raste t’i anulojnë krejtësisht.

Ishujt e vegjël të Samoas e Kiribatit, e shfrytëzuan megjithatë më së miri vëmendjen që i solli kapërcimi i datës së Paqësorit, duke e çuar 24 ore përpara, ç’ka i bëri të rrëmbenin lavdinë e rajonit të parë që troket gotat për mbërritjen e viti të ri.

Shumë shpejt pas tyre, viti 2022 trokiti në Auckland të Zelandës së re, ku si përherë nuk zhgënjeu spektakli magjik i fishekzjarreve.

Në fund, sytë sërish do të mbërthehen në urën e Sydneyit në Australi, që ne vite te tjera është shndërruar në një “pishtar” të vërtetë piroteknik.

Vitin e Ri më pas do ta presin Rusia, Japonia, Koreja e Jugut dhe e veriut, Kina, Indonezia, e me radhë Bangladeshi e Pakistani për të mbërritur më tej në Gjermani, Francë, Itali e Belgjikë. Pak më vonë, trokasin gotat anglezët, irlandezët e portugezët. Të fundit që presin vitin e ri janë ishujt e pabanuar Howland dhe Baker, pranë SHBA-së; atje viti 2022 mbërrin 26 orë më vonë sesa në Kiribati e Samoa, të parat që përshendet