Komisioni Rithemelimit: Më 8 janar – ora 12:00, protestë kombëtare përpara selisë PD

Më 8 janar në orën 12:00 do mbahet protesta kombëtare përpara selisë së Partisë Demokratike me moton: Jo Bunker i Pengut, por Shtëpi e Demokratëve!

Lajmin e ka bërë të ditur Komisioni i Rithemelimit të PD pasi i ka lënë afat deputetit Lulzim Basha deri më 5 janar për lirimin e selisë.

Ndërkohë Komisioni i Rithemelimit të PD ka reaguar pas vendosjes së dyerve të blinduara në selinë e PD nga ana e Kryetarit të shkarkuar të PD, Lulzim Basha, duke e cilësuar si një akt turpi dhe paniku të denjë vetëm për një aparatçik të marrë peng për të shndërruar shtëpinë e demokratve në bunkerin e tij privat.

“Me këtë rast i kujtojmë Lulzim Bravës që mendon se me dyer dhe brava do të mposhtë shumicën dhe pluralizmin në Shqipëri se ata  që shembën regjimin me gjakatar në ‘90 nuk do të lejojnë kurrë asnjë derë brave, hekur apo shul të mbajë peng vullnetin e tyre të shprehur përmes votës së lirë,” thekson Komisioni i Rithemelimit të P përmes një deklarate duke shtuar se Partia Demokratike ka lindur si shtëpi e lirisë dhe e tillë do të vijojë të mbetet, kurse Lulzim Pengu së bashku me pengmarrësin e tij do kene fatin e atyre që bunkerizuan Shqipërinë.

Deklaratë:

Deputeti Lulzim Brava e nisi Vitin e Ri me avazin e vjetër të izolimit.

Pasi izoloi veten nga 4.446 delegate dhe 43/385 anëtarë që firmosen shkarkimin e tij ai ka vendosur në prag të protestes paqësore të demokratëve ta kthejë shtëpinë e tyre në bunkerin e vetmisë dhe pazareve të tij.

Kështu, në një akt turpi dhe paniku të denjë vetëm për një aparatçik të marrë peng ai ndërron brava dhe po vendos dyer të blinduara për të shndërruar shtëpinë e demokratve, selinë e Partise Demokratike, në bunkerin e tij privat.

Me këtë rast i kujtojmë Lulzim Bravës që mendon se me dyer dhe brava do të mposhtë shumicën dhe pluralizmin në Shqipëri se ata  që shembën regjimin me gjakatar në ‘90 nuk do të lejojnë kurrë asnjë derë brave, hekur apo shul të mbajë peng vullnetin e tyre të shprehur përmes votës së lirë.

Partia Demokratike ka lindur si shtëpi e lirisë dhe e tillë do të vijojë të mbetet, kurse Lulzim Pengu së bashku me pengmarrësin e tij do kene fatin e atyre që bunkerizuan Shqipërinë