Në AKP, Albin Kurti flet për sukseset e Bordit të ri

Kryeministri i Kosovës, Albin Kurti, bashkë me Ministren e Ekonomisë̈, Artane Rizvanolli dhe Ministrin e Financave, Punës dhe Transfereve, Hekuran Murati, sot kanë vizituar Agjencinë̈ Kosovare të Privatizimit ku konstatuan se me emërimin e Bordit të ri të AKP-së janë shënuar disa të arritura që janë në interes të vendit.

Arritja e parë, sipas tij, është përgatitja e strategjisë përmbyllëse të AKP-së, dhe identifikimi i asteve që mund të transferohen në Fondin Sovran ku Bordi i AKP-së ka arritur të identifikoj mbi 2300 asete të AKP-së ku pas një analize vetëm 1653 prej tyre do barten në Fondin Sovran ndërsa mbi 700 janë pjesë e AKP-së.

Sukses tjetër, Kurti e konsideron edhe Aktivizimin e Ndërmarrjes së Shoqërisë Brezovica duke e vënë në përputhje të plotë me sistemin juridik të Kosovës, ku tha se me vendosjen e fiskalizimit do hapet rruga për investime për ketë qendër turistike për Kosovën.

Kryetari i Bordit të AKP-së, Nazmi Mikullovcit tha se prej fillimit kanë pasur përkrahje për punë nga qeveria ndërsa për pronat që nuk përfshihen në Fondin Sovran për tre vite do përmbyllet kapitulli i privatizimit.