Berisha nga Mirdita: Ne duhet shporrim sa më parë nga pushteti, Edi Ramën dhe Lulzim Bravën!
Sot më shumë se kurrë një mision i madh thërret shqiptarët kudo që janë, të largojmë, të përmbysim sistemin monist në Shqipëri, tha lideri historik i Partisë Demokratike, Sali Berisha, nga “Foltorja” në Mirditë duke e vlerësuar situatën më të rëndë së në vitin 1991, sot kur Edi Rama mori peng edhe opozitën.
Duke renditur shembuj të pseudopluralizmit që ka ngritur Edi Rama me pengun e tij Lulzim Brava të cilin po e mbron me gardistë, Ish-Presidenti Sali Berisha foli për tmerrin që panë shqiptarët këto ditë te “5 Maji”, pjesë e të cilit tmerr, sipas tij, është dhe Agron Kapllanaj i Lulzim Bravës, Brava i cili me Edi Ramën do të ndërtoj dhe 800 mijë metra katrorë në Portin e Durrësit.
“Sot jemi në një moment nga më kritikët në historinë tonë, sot pas 30 vitesh përpjekjesh tona për të qenë njerëz të lirë dhe me dinjitet, ne ndodhemi përsëri në një monizëm të shëmtuar, tashmë jo aq të bazuar në doktrinën marksiste dhe leniniste, por të bazuar te krimi, droga dhe vjedhja, te varfërimi juaj dhe i qytetarëve shqiptarë.
Unë do ju paraqes këtu një tabelë, e cila është e vitit 2020 ku tregohet se pushtetit i kreut të Meduzës është 10 përqind më i madh se ai i diktatorit të fundit, Ramiz Alisë. Kjo është e vitit 2020, por në vitin 2022 ata morën peng kreun e opozitës për aferat e tyre, ndaj ky pushtet tani është të paktën 20 përqind më i madh se ai i diktatorit komunist,” tha Sali Berisha duke bërë thirrja nga Mirdita:
“Sot më shumë se kurrë një mision i madh ju thërret ju dhe shqiptarët kudo që janë, të largojmë, të përmbysim sistemin monist në Shqipëri. Të rivendosim lirinë dhe vlerat e saj. Paralelet me fundin e diktaturës janë absolutisht identike. Në vitin 1991, diktatori i fundit me mjetet e tij nga mëngjesi deri në darkë fliste për demokraci dhe procese demokratike.
Sot ndodh e njëjta gjë. Në vitin 1991, burra të shquar më deklaronin se Ramiz Alia është një Gorbaçov i Ballkanit. Unë u thosha se ai ka skuqur vendin me gjakun e të rinjve. Ata mbeteshin. Unë u thosha se ka firmosur për pushkatimin e 27 intelektualëve shqiptarë pa gjyq dhe ata habiteshin. Pa dyshim, ndryshonin mendim. Ramiz Alia nuk bëri atë që po bën Edi Rama në vitin 2022. Ai nuk e mori peng kurrë opozitën. Në vitin 1991 ishim opozitë e vërtetë dhe fituam me një revolucion plebishitar dhe paqësor.”
Duke renditur shembuj të pseudopluralizmit që ka ngritur Edi Rama me pengun e tij Lulzim Basha të cilin po e mbron me gardistë, Lideri historik i PD foli dhe për ata që duan të na shesin për pluralizëm Lulzim Bravën, Lulzim Bunkerin, Lulzim Kimikun
“Edvin Kristaq Rama, ky bastard i bllokmenëve po e mbron pengun e tij me gardistë dhe hordhitë e narkopolicisë. Në çdo vend qeveritë bëjnë gabime dhe korrupsion, por është qeveria ajo që qëndron në anën e qytetarëve. Çfarë po shohim këto tre muaj?
Atë që nuk e kemi parë kurrë në jetën tonë. Këto tre muaj po shohim se si po u rrafshohen shtëpitë njerëzve që e kanë ndërtuar me djersën e ballit, për të ndërtuar pallate bota e krimit, e bashkuar me Pallat Kapllanin e Lul Bravës. A mund të ndodhë kjo kund? Pse është mynxyrë pseudopluralizmi? 800 mijë metra katrorë në Portin kryesor të Durrësit, duan të ndërtojnë pallate, një arab i falimentuar në shumë vende të tjera, me Edi Ramën dhe Lulzim Bravën.
Kush kërkon të na e shesë ne për pluralizëm Lulzim Bravën, Lulzim Bunkerin, Lulzim Kimikun? Çfarë lidhje kanë këta me lirinë e shqiptarëve?” tha lideri historik i Partisë Demokratike, Sali Berisha, duke përfunduar:
“Ne duhet të shporrim sa më parë nga pushteti këtë bandë dhe klikë kriminale. Ne jemi sot në një moment kritik dhe kyç. Ose do i themi lirisë, liri, ose ne do rrokullisemi në honet e historisë dhe ky vend do boshatiset çdo muaj, çdo vit më shumë. Do konsolidohet narkoshteti.”
