Rritja e çmimit të energjisë elektrike, kreu i Bordit ZRRE: Ishim të detyruar!

Propozimi i Zyrës së Rregullatorit për Energji për shtrenjtimin e energjisë elektrike ka shkaktuar debat të madh në Kosovë ndërkohë Kryetari i bordit të ZRRE, Ymer Fejzullahu, duke arsyetuar propozimin para Komisionit për Ekonomi, Industri, Ndërmarrësi dhe Tregti, tha se e di që çmimet e reja janë të papërballueshme për një pjesë të konsumatorëve por ZRRE ka qenë e detyruar ta shqyrtojë ndryshimin e tarifave të rrymës.

Duke përmendur çmimet e larta të importit të cilat tha se janë të pamundura për t’u përballuar, Fejzullahu tha se situata është bërë e rëndë. Ai e ka theksuar edhe prishjen në termocentralin Kosova B në dhjetor, i cili i ka shkaktuar miliona euro shpenzime për energjinë e importuar.

“Kosto ditore e mungesës së këtij gjeneratori ka qenë rreth 1.5 milion euro me çmimin e tregut”, ka thënë ai. “Prandaj ZRRE-ja ka qenë e obliguar që të hapë shqyrtimin e jashtëzakonshëm,” tha Fejzullahu ndërsa për idenë se Kosova mund të prodhojë vetë rrymë për nevojat tona, tha se kjo s’është e vërtetë viteve të fundit.

“Ne gjithë mendojmë që prodhojmë energji për nevojat tona, por në realitet, edhe pse deri tani kemi qenë shumë pak të varur nga importi, që disa vite të fundit, kjo varësi nga importi është rritur,” tha ai duke theksuar si njërën nga arsyet për varësinë nga importi i energjisë elektrike, ndryshimin e strukturës tarifore në vitin 2017.

Kryetari i bordit të ZRRE-së tha po ashtu se edhe çmimet aktuale të rrymës mund të jenë të papërballueshme për një pjesë të konsumatorëve ndërsa ka kërkuar që të mbështeten disa kategori që nuk mund ta paguajnë rrymën.

“Këto çmime, edhe këto ekzistuese për një kategori të konsumatorëve janë të papërballueshme. Ne kemi qenë të zëshëm. Kam kërkuar edhe vitet e kaluara që të mbështeten konsumatorët që janë rastet sociale. Nuk janë vetëm rastet sociale që duhet të mbështeten, por edhe konsumatorët e cenueshëm që nuk e përballojnë faturën e energjisë elektrike”, tha kreu i bordit të Zyrës së Rregullatorit për Energji, Ymer Fejzullahu.

Nndonëse në Komisionin për Ekonomi, Industri, Ndërmarrësi dhe Tregti dhe për një çështje tërësisht ekonomike, u çmimi i energjisë elektrike dhe tarifat u politizuan tërësisht. Kryetari i Komisionit, Ferat Shala, i njohur si ekeprt i ekonomisë ka bërë që përkatësia e tij partiake, PDK, ta pengoj në ushtrimin e detyrës së tij.

Ai pyeti kreun e bordit të Zyrës së Rregullatorit për Energji, Ymer Fejzullahun se pse në raportin konsultativ ku është propozuar shtrenjtimi i rrymës, janë mbështetur në subvencionimin e Qeverisë prej 75 milionë eurosh. Ku është baza ligjore që ju me i parapa mjetet që Qeveria ka me i dhënë, tha Shala duke harruar se edhe qeveria e kryesuar nga PDK kishte marrë subvencione për importin por këtë nuk ia përtoi Fejzullahu ta sqaroj.

“A është ZRRE-ja mbi Qeverinë? A është ZRRE-ja mbi Parlamentin?” e bëri të paditurin por Fejzullahu shtoi:

“Nuk është hera e parë që Qeveria ndan mjete për konsumatorët. Edhe në të kaluarën, 2010, 2011 janë ndarë rreth 50 milionë euro, edhe atë kohë kanë qenë të destinuara për subvencionimin e importit,” tha kreu i bordit të ZRRE e Shala vazhdoi me akuza pa lidhje se raporti i këtij institucioni nuk është i pavarur.

“Sipas leximit tënd, ndoshta nuk është i pavarur”, iu përgjigj Fejzullahu, e Shala vazhdoi duke theksuar se Raporti i ZRRE duket sikur raport i përbashkët me Qeverinë.

“Ky paraqet raport profesional nga stafi i ZRRE-së,” iu përgjigj sërish Ymer Fejzullahu e opozitës totalisht të papërgatitur si për ekonomi ashtu dhe politikë i dha një arsyetim të pakuptimtë duke theksuar se komunat në veri nuk janë përfshirë në rritjen e tarifave të energjisë për shkak të procesit gjyqësor që është ZRRE sa i përket shpenzimit të energjisë elektrike në atë pjesë të vendit.

Gjatë këtij viti, tha ai, ka hapur shqyrtimin e jashtëzakonshëm në bazë ligjore për caktimin e tarifave, për të reflektuar kostot e sistemeve dhe në kuadër të këtij procesi ZRRE ka hapur periudhën e konsultative për tarifat e energjisë elektrike deri më 28 janar.

Për këtë, ai u shpreh se kategoria e shfrytëzimit të energjisë elektrike mbi 600 kWH do të kenë ngritje të çmimit, por sipas tij, edhe këto kategori do të përfitojnë nga subvencionimi qeveritar.

Fejzullahu ka folur edhe për rritjen e shpenzimit të energjisë, i cili tha se gjatë dhjetorit ka pasur konsum të lartë deri në 1400 MWH ndërsa shtoi se është konstatuar që 30 për qind e konsumatorëve janë të detyruar të ngrohen me energji elektrike.