Asnjë humbje jete dhe 4.397 raste të reja me koronavirus në Kosovë

Pas testimit të 16.307 personave gjatë 24 orëve të fundit 4.397 prej tyre rezultuan pozitiv me COVID-19 duke e çuar në 192.947 numrin e të prekurve me koronavirus në Kosovë. Duke përditësuar të dhënat, Instituti i Shëndetit Publik raporton për asnjë humbje jete nga koronavirusi gjatë 24 orëve të fundit ndërsa janë shëruar 607 pacientë.

Njoftim:

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 5.459 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.759.797 doza të vaksinës. Deri më sot 832.020 qytetarë janë vaksinuar me dozën e dytë. Deri më sot janë dhënë 65.147 doza përforëcuese dhe doza të treta të vaksines kundër COVID-19.

Nga 16.307 testime, 4.397 qytetarë kanë rezultuar pozitiv me virusin COVID-19.

Gjatë 24 orëve të fundit, nuk janë shënuar raste të vdekjes.

Sot janë shëruar 607 qytetarë, derisa numri i përgjithshëm i të shëruarve është 162.333. Në total numri i rasteve aktive është 25.458.

Mbani maskat!

Respektoni distancën!

Mbani higjienën!