“Shtëpia e lirisë” në KQZ, shqetësohet Basha: U zyrtarizua partia e vjetër Meta-Berisha-Rama!

Pas depozitimit të kërkesës së Koalicionit “Shtëpia e Lirisë” në KQZ, Lulzim Basha me grupin e tij demokrat në shërbim të Kryeministrit Edi Rama shqetësohet, gënjen dhe akuzon.

“Më në fund Sali Berisha zyrtarizoi partinë e vjetër Meta-Berisha-Rama që simbolizon gjithçka që nuk shkon në Shqipëri: Korrupsionin, Politikën e vjetër, Lajmet e rreme dhe disinformimin,” thekson njëri ndër njerëzit më të korruptuar në Shqipëri, që aplikon politikën e Enver Hoxhës dhe gjithçka që nxjerr nga goja është lajm i rrem dhe shumë më keq se disinformimi.

“Zbardhja” e komunikimit të Flamur Nokës me Lindita Nikollën dhe Ulsi Manjën, Lulzim Basha e din që ishte një hiq gjë por e përdori për disinformim duke gënjyer dje përmes deputetëve injorant që vazhdojnë ti nënshtrohen, dhe sot edhe përmes deklaratës së PD se deputeti Noka na bëka një komplot shekullor duke komunikuar me Manjën.

Dhe, njeriu që nuk njeh njerëzit që i dalin nga zyra e tij në ballkon, “analizon” se partia e vjetër Meta-Berisha-Rama ka 2 qëllime: 1.Të dëmtojë PD dhe demokratët; 2. Të bëhet strehë mbrojtëse për Metën dhe Berishën. Ajo është streha për Ilirin dhe Saliun. Zgjedh Ramën, mban Berishën dhe Metën. Zgjedh Berishën dhe Metën, dhe mban Ramën.

Në fund, njeriu që instaloi urrjetjen dhe asfiksoi politikën në Partinë Demokratike, me natyrën e luftës që i bënë Komisionit për Rithemelimin e PD në çdo hap, nuk konfirmon se është në bashkëqeverisje pavarësisht nga ajo që thotë lideri historik Sali Berisha, por që është hyzmeqar i Edi Ramës i cili nuk merr asgjë më shumë se kocka që i hidhet, dhe e lëpinë ashtu siç bëri nga viti 2013!

Deklaratë:

Më në fund Sali Berisha zyrtarizoi partinë e vjetër Meta-Berisha-Rama që simbolizon gjithçka që nuk shkon në Shqipëri:

Korrupsionin

Politikën e vjetër

Lajmet e rreme dhe disinformimin.

Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, është provokim i rëndë për çdo demokrat dibran që masakrën zgjedhore e provuan të parët në 2016.

Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje.

Kandidimi i tij shpjegon më së miri edhe komunikimin privat të Flamur Nokës dhe Ulsi Manjës. Kandidatin e koalicionit “Non-Grata” e kanë zgjedhur bashkërisht. Ulsi Manja, nëse bashkëshortja e kandidatit të Flamur Nokës në Dibër do të zbatonte ligjin dhe do hetonte dosjen 184, do ishte në burg dhe jo në krye të Ministrisë së Drejtësisë.

Partia e vjetër Meta-Berisha-Rama ka 2 qëllime:

1. Të dëmtojë PD dhe demokratët

2. Të bëhet strehë mbrojtëse për Metën dhe Berishën.

Ajo është streha për Ilirin dhe Saliun.
Zgjedh Ramën, mban Berishën dhe Metën.
Zgjedh Berishën dhe Metën, dhe mban Ramën.