Kandidati “Shtëpisë lirisë” në Durrës: Koha për ndryshim, të cilin e presim prej 22 vitesh!

Kandidati i koalicionit “Shtëpia e lirisë” për Bashkinë Durrës, për zgjedhjet e pjesshme vendore të 6 marsit, Ardian Muka, para banorëve të Spitallës dhe Porto Romanos tha se ka ardhur koha për ndryshimin të cilin e presim prej 22 vitesh, dhe ndryshe nga politikanët tjerë, Muka tha qartë se kjo zonë ka shumë problematika për shkak të refuzimit të qeverisë e cila i sheh si kundërshtarë, si periferik dhe të ardhur.

“Ju falënderoi nga zemra që jeni kaq shumë sonte këtu. Besoj se të gjithë këtu më njihni pasi unë jam një djalë durrsak. Më njihni pasi bashkë kemi zhvilluar beteja politike me të keqen për të sjellë diçka të mirë në këtë zonë. Spitalla është kaq afër Durrësit por realisht ju ndiheni shumë larg Durrësit. Sepse ju kanë konsideruar bastion i së djathtës dhe ju kanë neglizhuar në infrastrukturë, në punësim dhe në gjithçka.

Vij me ballin lartë për të kërkuar votën në zgjedhjet e 6 marsit pasi ju më njihni mirë. Ne jemi një familje dhe në konceptin tim unë kështu i konsideroj qytetarët, si një nga tanët.

Në të gjitha këto beteja që kemi zhvilluar së bashku dua tju falënderoi për besimin që më keni dhënë me primaret që unë tju përfaqësoj në garën për të marrë Bashkinë e Durrësit. Për të qënë nesër ai që duhet ta udhëheqë Bashkinë e Durrësit së bashku me ju. Ku të gjithë bashkë duhet ti ndryshojmë fytyrën Bashkisë së Durrësit. Duke e bërë një bashki të qytetarëve,” tha kandidati i koalicionit “Shtëpia e lirisë” për Bashkinë Durrës, Ardian Muka, i shoqëruar nga lideri historik i PD, Sali Berisha, duke përfunduar:

“Ka ardhur koha që të gjithë bashkë të bëjmë ndryshimin që e presim prej 22 vitesh, ndryshim që e presim për fëmijët dhe familjeve tona. Kjo zonë ka shumë problematika nga refuzimi i qeverisjes qendrore dhe vendore, pasi ju shohin si kundërshtarë, si periferik dhe të ardhur.”

Ndërsa lideri historik i PD, Sali Berisha, duke ftuar banorët e Spitallës dhe Porto Romanos që të votojnë kandidatin e “Shtëpisë së Lirisë”, Ardian Muka, në zgjedhjet e 6 marsit,  tha se ishte Kryeministri Edi Rama që injoroi Bashkinë e Durrësit të cilin e përdori vetëm për abuzime financiare.

“Ardi Muka është një bir i Durrësit, punëtor, i ndershëm dhe i njerëzishëm. Për të cilin ata që nuk e njohin mund të pyesin këdo, do të dëgjojnë vetëm fjalë të mira për të. Ardi Muka është një biznesmen i suksesshëm. Qëkur ka filluar biznesin e tij e deri më sot nuk ka trokitur në dyert e asnjë qeverie demokratike apo socialiste qoftë ajo. Është nga ata biznesmenë që me mundësitë e veta është përpjekur të ndajë diccka edhe me komunitetin, diku të shtrojë një rrugë, diku tjetër të kontribuojë për rindërtimin e një kopshti apo të energjisë elektrike. Ka patur zemrën dhe shpirtin te komuniteti. Ju garantoj, siç e pohoi këtu vetë, se do të përqendrohet me të gjitha mundësitë e tij tek ju dhe tek të gjitha zonat e bashkisë së Durrësit, të injoruara dhe të lëna në harresë,” tha Sali Berisha duke shtuar:

“Në këto 8 vite kalldrëmi i qendrës është shtruar dhe stërshtruar, kurse rrugët dhe rrugicat tuaja, kanalizimet në zonën tuaj, sistemimi ka mbetur ai që ka qenë. Ne ndërtuam në Durrës impiantin e ujërave të zeza. Nga ajo kohë e deri sot bashkiua e Durrësit, Edi Rama nuk përfunduan sistemimin e kanalizimeve dhe ajo përbën një shqetësim serioz për shëndetin tuaj. Këto 8 vite në Shqipëri më shumë se gjithçka tjetër është rritur varfëria dhe mjerimi i shqiptarëve. Këtë e thonë të gjitha shifrat e institucioneve ndërkombëtare,” tha Berisha ndërsa rikujtoi:

“Në vitin 2013 Shqipëria kishte rrogat dhe pensionet mesatare më të larta në rajon dhe ajo u arrit se kishte një qëllim madhor, investimi te qytetarët. Duke dyfishuar rrogat dhe pensionet i jepej një përgjigje e fortë varfërisë, u pakësua disa herë krahasuar me atë që ishte më parë. Sot jemi të fundit në rajon për rrogën mesatare dhe pensionet. Shqiptarët shkojnë dhe punojnë në Mal të Zi që sot ka rrogën mesatare dy herë më të madhe se Shqipëria, Kosova 30% më të lartë se Shqipëria. Kjo bëri pastaj që mjerimi, varfëria ekstreme të rritet me katër herë. Kjo bëri që në 5 vitet e fundit mbi 520 mijë të rinj të largohen nga Shqipëria. Të gjitha këto kanë vetëm një shkak abuzimin, shpërdorimin, vjedhjen e taksave tuaja. Nuk ka ndodhur asgjë tjetër që të zbresim ne të fundit për rrogat dhe pensionet kur ishim të parët. Janë rritur çmimet me 30% gjatë këtyre 8 viteve të marra së bashku. Shpërdorime që tejkalojnë çdo imagjinatë. Sot 1 km rrugë kushton 8 fishin, 10 fishin e çmimit të saj në rast se atë e ndërtojnë bankat e huaja. Sot 1 km rrugë në fushë që ndërtohet me paratë tuaja, të buxhetit të shtetit, kushton sa kushtoi në vitin 2012 1 km në tunelin e Elbasanit. Ka rrugë që tenderohen për së dyti.”

Nga Porto Romano lideri historik i PD denoncoi me emra ata që ai i quajti kriminelë elektoralë. 

“Ju ftoj që në këto zgjedhje, të votoni Ardi Mukën. E kuptoj që ka presion mbi ju, kriminelë elektoralë qarkullojnë në Durrës dhe qytete të tjera duke u përpjekur të blejnë vota e të bëjnë presione. Dy ndër më të shquarit në Durrës, janë Ardi Çela dhe Roni Shqopa, vendin e ka tek Saimir Tahiri për ato që bënte, shtroi kovalishencën në qendër të nisjes së skafeve të Saimirit me shokë, e kuptoj që ka njerëz absolutisht, prap e them që vendosni për ndryshimin.

Garantoj se ndryshimi është rruga e vetme për të zhdukur mjerimin në këtë vend. Ndryshimi, ne kemi detyrim të madh ndaj fëmijëve, të rinjve, që të krijojmë çdo kusht për të qëndruar në Shqipëri, për të ndërtuar ëndrrën më të bukur, asnjë vend, nuk ka potencialet e jashtëzakonshme të Shqipërisë. Janë politikat e gabuara që i lanë shqiptarët në vendnumëro apo i kthejnë mbrapa,” tha Ish-Presidenti Sali Berisha duke bërë thirrje të votohet për ndryshimin:

“Le të votojmë më 6 mars për ndryshimin, shpresën, çdo votë për Sakon, është për të shkuarën, votë në një farë mënyrë në shpërfillje të atyre që ranë nën rrënojat e tërmetit për shkak të papërgjegjësisë së saj, votë për klanin e djegësve, kurse vota për Luan Hotin është votë për monopolin, asnjë votë këtij njeriu.”

Në fund, lideri historik i PD, Sali Berisha, nuk harroi dyshen kriminale Edi Rama – Lulzim Basha të cilët i akuzoi për aferën e Portit ku sot, sipas tij,zotërojnë 100 për qind të aksioneve. 

“Kjo e djegësave ju garantoj që është 1 e 10-ta e Portit të Durrësit. Toka e portit me ujin përreth kushton 3.8 miliardë euro. Zgjohet një ditë Rama dhe si ta bëj unë timen këtë. Të heq portin andej që ka 3 mijë vite port, shko dhe gjej një arab, i thotë hajde tani të fshihem pas teje. Vjen na thotë ne se do ndërtojmë Dubain në Port. Bën marrëveshje, shkruan me një princ në Emirate marrëveshje, e di vete ça thotë marrëveshja. Pas një viti arabi zhduket, shet 100 për qind aksionet dhe kush e mori, absolutisht Rama dhe Lulzim Brava,” tha lideri historik i PD, Sali Berisha, duke përfunduar:

“Në mënyrë të papritur, na del që menaxheri i arabit në Durrës ishte njëkohësisht menaxheri i kompanisë së kunatit të Lulzim Bashës. Doli, dha dorëheqje thash mos ishte rastësi. Rastësi? Jo, se më vonë gazetarët e gjetën se pas 3 muajsh ai kishte dhënë dorëheqjen false, se vazhdonte deyrën si menaxher i kompanisë së Lulzim Bravës.

U bënë së bashku, e di çdo të thotë të marrësh tokë publike me vlerë 3.8 miliardë euro, çdo qytetar i Durrësit mund të fitonte aty, mund të investonte, me aksione ose ato që kishte, të paktën minimumi 1 mijë euro për të mos llogaritur fitimin mbi sipërfaqet e ndërtimit mbi truall. Kjo është, prandaj dhe njerëzit largohen, varfëria rritet, koha ndalon, 20 vite i njëjti sistem kanalizimi, të njëjtat rrugica.”