Parlamenti refuzon një rezolutë për agresionin rus, Berisha: Dëshmi e vasalitetit ndaj Beogradit!
Pas kundërshtimit të mazhorancës socialiste për njër rezolutë të Parlamentit të Shqipërisë që dënon agresionin rus që në heshte u pranua edhe nga deputetët e Lulzim Bashës, ka reaguar ashpër Ish-Presidenti Sali Berisha duke e quajtur një Parlament të rusisë së vogël apo Beogradit.
“Dënoj me ashpërsinë më të madhe qëndrimin kapitullant të këtij parlamenti të turpshëm, vend anëtar i NATOS që nuk merr përsipër të votojë një rezolutë të votojë agresorin, për të dënuar Rusinë e cila është nismëtare e luftës së Parë Botërore, ju bashkangjit Hitlerit me paktin për pushtimin e Polonisë dhe e vetme nis pushtimin e një vendi të pavarusr sovran.
Dënoj me ashpërsi qëndrimin e këtij parlamenti. Ky parlament mban të njëjtin qëndrim si parlamenti i Rusisë së vogël apo Serbisë. Kjo është e turpshme, e paimagjinueshme,” tha Sali Berisha duke përfunduar:
“Si mund të justifikojë ky parlament këtë. Çfarë ndodh këtu, kjo është dëshmi e vasalitetit të plotë ndaj Beogradit. Si ka mundësi atje po bien bomba mbi njerëz të lirë, kurse ne nuk miratojmë një rezolutë të përbashkët për dënimin e këtij agresioni të pashembullt. Kjo është histori turpi historik kapitullimi. Ka një përgjegjës, Rama vasal i Vuçiçit. Vdekje pushtuesve rusë.”
Ndryshe, në fillim të seancës plenare Ish-Ministri i Jashtëm dhe deputeti i PD, Tritan Shehu, propozi ndryshimin e rendit të ditës për shkak të zhvillimeve në Ukrainë dhe miratimin e një rezolute për dënimin e agresionit rus.
