SPAK kërkon arrestimin e deputetit Alqi Bllako, Balla: PS nuk do të jetë asnjëherë zyrë avokatie!

PS nuk do të jetë asnjëherë zyrë avokatie për askënd, aty ku vendoset në përballje me drejtësinë, tha Kryetari i Grupit Parlamentar të Partisë Socialiste, Taulant Balla, duke bërë të dituru fatin e deputeti socialist Alqi Bllako, pasi u SPAK kërkoi nga Parlamentit që të jap autorizimin për arrestim.

“Unë nuk jam i gëzuar për askënd që kërkohet një mase sigurie me arrest me burg. Në aspektin njerëzor, nga secili krah qoftë personi apo kolegu. Në aspektin njerëzor, përgjigja e pyetjes tuaj: S’jam i gëzuar. Por kam një aspekt tjetër, që forca udhëheqëse e PS ka pasur objektiv, arritjen e një momenti që drejtësia të funksionojë dhe të vendoset para drejtësisë gjithkush pa dallim se nga cili krah vjen,” tha Balla duke paralajmëruar se mbledhja e Këshillit të Mandateve është caktuar të mbahet të mërkurën në orën 18:00.

Ndryshe, për shtetasin Alqi Bllako, nisur nga fakti që është i zgjedhur deputet në Kuvendin e Republikës së Shjqipërisë, Prokuroria e Posaçme ka paraqitur kërkesë pranë Parlamentit për dhënie të autorizimit për caktimin e masës sigurimit personal “arrest në burg”, duke e bërë të ditur se po vazhdon hetimet e mëtejshme për mbledhjen e provave të nevojshme për persona të tjerë, funksionarë publikë dhe persona fizik dhe juridikë privatë, për të cilët ka dyshime se mundet të jenë përfshirë në kryerjen e veprimtarisë kriminale të mësipërme në lidhje me inceneratorët Elbasan dhe Fier.