Edi Rama vazhdon me fantazitë e tij, bënë video jo rrugë. Ja video-rruga e radhës…
Ndonëse nuk arriti për 5 vjet të mbyll as projektin e rrugës Elbasan-Tiranë, qytetarët e Shqipërisë nuk mund të ankohen se nuk kishin mundësi të shohin video-rrugë nga këndvështrime të ndryshme.
Sot në mëngjes kryeministri Edi Rama serviri premtimin e ri me video-projektin e radhës, rruga Thumanë-Fushë Krujë-Kashar.
Sipas fantazisë së Edi Ramës e cila u shkri edhe në video-projekt, kjo rrugë do të ketë 14 nënkalime, 34 rrugë dytësore, 12 ura dhe 3 mbikalime dhe do të lidhë veriun e Shqipërisë e Kosovën me aeroportin “Nënë Tereza” e me Portin e Durrësit.
Ja dhe postimi i plotë:
“Mirëmëngjes dhe me projektin e rrugës së re Thumanë-Fushë Krujë-Kashar, pjesë e Programit Kombëtar “1 Miliard për Rindërtim” (Shpejtësia e projektuar 140 km/h, 14 nënkalime, 34 rrugë dytësore, 12 ura dhe 3 mbikalime), e cila do të lidhë me infrastrukturë moderne veriun e Shqipërisë e Kosovën me aeroportin “Nënë Tereza” e me Portin e Durrësit dhe tanimë është në fazën finale të përgatitjes për zbatim, ju uroj një ditë të mbarë”
