Kuvend/ Kumbaro e Ahmetaj: Ligji për Teatrin, respektuam vijën e kuqe me artistët, nuk preket sipërfaqja
Mirela Kumbaro, ministre e Kulturës, dhe Arben Ahmetaj, ministër i Financave dhe Ekonomisë, kanë mbrojtur në sallën e Kuvendit, pr/ligjin e qeverisë për Teatrin.
Me nisjen e seancës parlamentare, Ahmetaj theksoi se projektligji për Teatrin Kombëtar ka respektuar “vijën e kuqe” të artistëve që të mos përket sipërfaqja e Teatrit. Dhe jo vetëm që nuk preket, por sipërfaqja shtohet, tha ministri.
“Nga 1126 m2 që ka ndërtesa, sipërfaqja shkon në 9.000 metra në të njëjtën pronë me 0 lekë nga buxheti i shtetit”, theksoi Ahmetaj, duke mohuar që pr/ligji në fjalë ka për synim shkatërrimin e Teatrit.
Më herët, ministrja e Kulturës, Mirela Kumbaro, u shpreh se Teatri Kombëtar është në gjendje emergjente dhe mund ti zërë brenda ata që e frekuentojnë.
“Teatri është në gjendje emergjence, fakti që rri në këmbë, është shfrytëzuar për shfaqje, por është argumenti më mjeran duke pritur ditën që mund të na zërë brenda. Miu ishte bashkëjetues me artiste.
Sot gjejmë një mundësi për të bërë një teatër dinjitoz për vendin, kam shkuar gjithë jetën në teatër, por pak kam parë nga kolegët e kësaj salle, nuk ju kam parë jo në këto pesë vite ku unë nuk lë shfaqje pa parë. Nga inspektimet dhe ekspertizat është konstatuar se ambientet janë jashtë kushtet teknike për shfrytëzim, muri me përbërje pupuliti ka dëmtime të konsiderueshme, nga Instituti i Ndërtimit theksohet se përtej arkitekturës, strukturës që bën të pamundur çdo ndërhyrje, kushtet janë të tilla që teatri duhet të mbyllet, thuhet, riparimi i objektit përbën vështirësi, kosto të larta dhe një ndërhyrje rrënjësore në 90% të objektit, në themel, çati dhe soleta, ndërhyrja sado e madhe të jetë nuk e sjell në kushtet optimal.
Nuk e kemi deri në buxhet vitin 2020, në këto kushte ne nuk e kemi ulur aktivitetin, por jemi të motivuar që çdo rrugë e kemi ndjekur dhe shqyrtuar për të rindërtuar një teatër të ri, por duke shfrytëzuar çdo mundësi bashkëpunimi. Amortizim i rëndë, teatri është në gjendje emergjence, fakti që rri ende në këmbë është shfrytëzuar vetëm, për shfaqe. Argumenti më mjeran duke pritur ditën që të na zërë brenda”, tha Kumbaro.
