VIDEO/ Basha: Rilindja, kërmë që mbjell kolerën kudo ku ajo prek…

Rilindja është një kërmë që mbjell kolerën kudo që shkel. Kështu u shpreh kreu demokrat, Lulzim Basha, në sallën e Kuvendit. Basha tha se krenaria e Edi Ramës në mandatin e parë qeverisës, është një trafikant I rëndomtë droge, ndërsa pasardhësi I tij, Fatmir Xhafaj mbështet trafikantët e drogës.

“Rreth 10 muaj më parë, në fillimet e kësaj legislature kisha paralajmëruar tre gjëra:

1. Paralajmërova se pas fazës së kultivimit dhe trafikut masiv të kanabisit, krimi në vend do të evolonte në një fazë dhe formë të re dhe më më të rrezikshme: në trafikun e drogavë të tënda dhe mbi të gjitha në pastrimin e parave dhe kapjen e ekonomisë nga krimi.
2. Paralajmërova se në Shqipëri do të shkatërrohej çdo proces demokratik politik dhe çdo politikë institucionale për t’u zëvendësuar me sundimin personal të një një njeriu.
3. Paralajmërova se i vetmi interes që do kishte Edi Rama do të ishte ruajtja e pushtetit të tij me çdo mjet, që do ta zhyste atë gjithnjë e më shumë në krim.

Edhe pse isha i sigurtë që këto gjëra do të ndodhin, as unë nuk e kisha menduar që brenda 10 muajve ato jo vetëm do të provoheshin plotsisht, porn ë kaq pak kohë i gjithë pushteti do të degradonte, kalbëzohej dhe falimentonte plotësisht.

Në 10 muaj Shqipëria ka prodhuar kronika të krimit politik më shumë se e gjithë Evropa në 10 vjet.

Këta 10 muaj e keqja shpërtheu dhe po qelb gjithë Shqipërinë dhe Europën.

Këto 10 muaj e keqja doli në shesh  pa makiazh, pa ngjyra, pa fasada: Rilindja doli lakuriq dhe të gjithë më në fund zbuluan se ajo është një kërmë që mbjell kolerën kudo ku ajo prek”, tha Basha.

Në vijim Basha tha se tani shqiptarët dhe Europa mësuan të vërtetat që u mbajtën për ca kohë fshehur nga makineria më e madhe e agjitacion-propagandës që ka aprë ndonjëherë Shqipëria:

“Mësuan se Ministri i tyre i Brendshëm, krahu i djathtë i lëvduar për katër vjet si hero nga Edi Rama ishte një trafikant i rëndomtë droge që kishte shitur jo vetëm pushtetin, por edhe shpirtin për drogën.
Mësuan se policia e tyre, krenaria e propagandës së Edi Ramës, ishte kthyer në një organizatë kriminale në shërbim të trafikut të drogës.

Mësuan se pasardhësi i ministrit trafikant të brendshëm është një tjetër mbështetës i trafikut që bënte i vëllai.

Mësuan se krybashkiaku i Durrësit ishte ortak me kriminelët për të vjedhur vota në shkëmbim të tenderave publikë.

Mësuan se Ministri i Energjisë njësoj jep e merr me kriminelët në skemën e qeverisë: një leje një votë.

Mësuan se Ministri i Financave është bërë njësh me mafien e plehrave për ta kthyer Shqipërinë në kosh të plehrave të Evropës.

Mësuan se numër dy i Partisë Socialiste është garanti i pastrimit të parave të krimit”, theksoi kreu i PD-së.

Sipas tij, shqiptarët panë si po mbijnë nga hiçi kulla dhjetëra katëshe dhe dhjetëra milionë euroshe, të cilat po e kthejnë Shqipërinë në një lavatriçe masive të pastrimit të parave.
“Sikurse kanë parë si si banka e familjes së kryeministrit po kap gjithë sektorin bankar, ndërkohë që po ngrihet kudo alarmi se në banakt e Shqipërisë pastrohen para.

Përballë krimit në lulëzim, fatkeqësisht shqiptarët panë këto 10 muaj edhe drejtësinë fasadë, me prokurorinë e kapur nga Kryeministri, i cili si kurrë më parë vetëm ka liruar dhe lehtësuar kriminelë dhe nuk ka mundur të kapë asnjë kokë të krimit dhe asnjë politikan të korruptuar.

Shqiptarët parë se si u shpërbë Gjykata Kushtetuese dhe se si u paralizua Gjykata e lartë, duke e kthyer Shqipërinë në vendin e parë në historinë e botës, përfshi edhe të diktaturave pa Gjykatë Kushtetuese dhe praktikisht pa Gjykatë të Lartë. Kaq mjafton për të pezulluar çdo mbrotje të të drejtave të njeriut, të lirisë, pronës.

Shqiptarët panë këta 10 muaj edhe si vetingu u shndërrua në vegël politike të Edi Ramës të kapur të gjitha institucionet e sistemit të drejtësisë.
Askund nuk është mishëruar e gjithë kjo e keqe, e shkrirë e gjitha në një, se sa në përpjekjen për shkatërrimin e godinës së Teatrit Kombëtar:
− Aty janë bërë bashkë etja e Edi Ramës për para duke zhvatur pronat publike për të ndërtuar dhe marrë pjesën e tij

− Me qëllimin e tij për të pastruar paratë e drogës të cilat do financojnë këtë projekt masiv ndërtimi prej qindra milionë dollarësh

− Me qëllimin e tij për të përqëndruar gjithë ekonominë në pak duar, duke e bërë këtë projekt me oligarkun e preferuar dhe arkitektin e preferuar.

− Me mënyrën personale dhe autokratike të qeverisjes pa përfillur as ligje, as institucione as standarde duke bërë një ligj antikushtetues, dhe duke tjetërsuar në mënurë antiligjore dhe kriminale pronën publike;

− Me kontrollin e të gjitha pushteteve prej tij, duke vënë në rrjesht pushtetin vendor, parlamentin, administratën publike, institucioent e pavarura

− Mungsën e drejtësisë duke mos aptur ansjë mundësi për t’u ankuar për antikushtetueshmërinë e këtij ligji
− Me shkeljen e të drejtave të njeriut dhe të pronës duke qenë se dy pronarë që ju janë njohur pronat ato nuk ju janë kthyer asnjëherë në praktikë dhe tani këto prona do t’i jepen privatit”, theksoi Basha.
Referuar projektit për Teatrin, ai shtoi se në të janë manifestuar të gjitha anët e EdI Ramës: hajduti i sëmurë, krimineli me jakë të bardhë, gënjeshtari patologjik, sundimtari dallkuak bizantin.
“E gjithë karriera politike e EdI Ramës që nga fillimet e saj është e lidhur me dy faktorë të rëmdësishëm: me paratë e krimit dhe drogës, dhe me vjedhjen me ndërtuesit e hapësirave publike të Tiranës.

Të gjithë e dinë se si Edi Rama para gati 20 vjetësh trashëgoi paratë e një nga bandave kryesore të drogës të asaj kohe në Tiranë, me të cilat siguroi një jetë luksoze dhe vazhdimin e karrierës politike.
Në kohën kur ishte kryetar bashkie ai e ktheu Tiranën në një lavatrice parash të krimit: nuk mbeti trafikant droge, kriminel dhe i korruptuar që nuk dnërtoi në Tiranë duke marrë leje nga Ramë në këmbim të 20 për qindëshit.

Si Kryeminsitër ka më shumë pushtet dhe tani mund të garantojë dirket trafikn e drogës, mund të garantojë dirket pastrimin e parave dhe mund të japë leje ndërtime për gjithë Shqipërinë nga Saranda në Tropojë.
Kështu, Edi Rama përfundoi në bashkëqeverisje me krimin. Ka pesë vjet që bashkëqeveris me krimin dhe çdo ditë që do jetë në pushtet do ta ndajë pushtetin me krimin.

Rezultati është varfërimi i Shqiptarëve, izolimi i tyre nga Evropa dhe braktisja e vendit.

Mos hapja e negociatave ishte rezultat i krimit dhe korrupsionit të Edi Ramës. Mos hapja e negociuatave ishte rezultat i zgjedhjes së qëllimshme të Edi Ramës për të mbrojtur Saimir Tahirin, Fatmir Xhafajn, Gjiknurin, Dakon, habilajt, balilët dhe të gjithë kokat e krimit dhe politikanët e inkriminuar”, tha Basha.
Sipas tij, ambasadorët nuk gënjehen më mbi atë ccfarë ka ndodhur dhe ndodh.

“Edi Rama zgjodhi krimin dhe jo Shqipërinë sepse ai nuk ka më liri për të zgjedhur. Ai nuk është thejsht një politikan i korruptuar dhe inkriminuar: ai është një politikan i kapur dhe kontrolluar krejtësisht nga krimi.

Shqipëria ka nevojë për dnryshime të thella. Por ndryshimi i parë dhe fillimi i të gjitha ndryshimeve të tjera është largimi i Edi Ramës dhe bashkë me të i regjimit të tij kriminal. Vetëm atëhere Shqipëria do të ketë sërish mundësi të shohë përpara më optimizëm”, tha Basha.