Dështon mbledhja e Kryesisë së Parlamentit

Në mungesë të kuorumit nuk është mbajtur mbledhja e Kryesisë së Parlamentit të Kosovës e paparalajmëruar për sot por, Kryetari i Parlamentit, Kadri Veseli tha se edhe pse nuk u shqyrtuan pikat e parapara për rendin e ditës megjithatë janë marrë disa vendime.

Sipas tij, kryesia ka marrë vendim që të mos shkohet në pushime verore pa u kryer agjenda evropiane që lidhet me liberalizimin e vizave. Gjithashtu tha se është vendosur që çdo të enjte të ketë seancë plenare të Kuvendit.

“Nuk pati kuorum të mbledhjes së kryesisë, shkaqet janë tërësisht objektive, megjithatë janë marrë disa vendime”, tha Veseli.