Ne jemi nisur në Bruksel, Berisha: Edi Rama kërkon me çdo kusht të na çojë në Beograd!

Kryetari i Partisë Demokratike, Sali Berisha, duke folur para qytetarëve të Ersekës si lider i një partie konservatore dhe traditë, tha se nderimi i trashëgimisë është kushti themelorë për të pasur një të ardhme të ndritur që meritojmë.

Por, Ne ndodhemi në një moment kritik pasi ai që është sot në Tiranë po bën gjithçka me Ballkanin e Hapur për ta bërë Shqipërinë pjesë të Jugosllavisë së vjetër.

“Si një parti konservatore, si një parti e traditës ne besojmë se nderimi për traditën, për trashëgimin pozitive është një kusht themelorë për të pasur një të ardhme që meritojmë, për të pasur një të ardhme të ndritur. Ndaj dhe ne qëndrojmë në vlerat tona kombëtare, në trashëgimin tonë kombëtare. Dhe sot kjo bëhet më aktuale se rrallë ndonjëherë. Sepse sot ëndrra shqiptare për një Shqipëri zonjë mes kombeve të zhvilluara, ëndërr kjo e cila kur rilindasit tanë e shpallën në atë kohë nuk kishte Bashkim Europian.

Por, ata në mënyrë gjeniale e projektuan Shqipërinë asaj kohe pjesë e Perandorisë Otomane si një vend, si një zonjë midis kombëve të zhvilluara të Europës. Por, duhet të jemi realistë dhe ta shohim të vërtetën drejtë e në sy. Kjo ëndërr u formua pas shekujsh, përpjekjesh të jashtëzakonëshme të Perandorisë Otomane për të tjetërsuar kombin shqiptarë. Shqiptarët në atë perandori ishin të vetmit që nuk mund të mësonin gjuhën e nënës në shkollat osmane. Të gjitha kombëve të tjera u lejohej, shqiptarëve nuk u lejohej. Me qëllimin e vetëm që ata të mos ishin më shqiptarë. Por kjo përpjekje shekullore dështoi,” konstaton Sali Berish duke shtuar:

“Ajo elitë në të cilën Kolonja ka pjesë thelbësore, ajo elitë e kombit e projektoi Shqipërinë në vendet më të zhvilluara të Europës. E vërteta është që ai projeksion u pagua me gjak, me sakrifica të gjithanshme, por shqiptarët ia dolën. Një periudhë kohe e shkurtër mbreti bëri përpjekje titanike për ta deotomanizuar Shqipërinë. Ç’ka kishte si qëllim vendosjen në kombet e zhvilluara europiane. Por, në kundërshtim flagrantë me interesat tona kombëtare. Në Tiranë instalohet Beogradi, gjatë luftës Shqipëria bëhej përpjekja për ta shndërruar në Republikë të shtatë,” tha Berisha duke mos dashur të bëj histori foli për atë që është tragjike sot me efekte shkatërrimtare për Kolonjën dhe Shqipërinë:

“Ai që është sot në Tiranë po bën gjithçka me Ballkanin e Hapur për ta shndërruar siç thotë edhe Aleksandër Vuçiç, Jugosllavinë e vjetër plus Shqipërinë. Për ta bërë pjesë Shqipërinë të Jugosllavisë së vjetër. Pra ndodhemi në një moment kritik. Unë e di se të paktë janë ata që thonë se ne kemi halle të tjera më të mëdha se sa kjo. Kjo nuk është e drejtë. Se për çdo njeri të qytetëruar nuk ka interes më jetik për të gjitha interesat e tjera se sa interesi kombëtar,” tha kreu i PD para intelektualëve të Ersekës sepse ndodhemi në një moment kritik.

“Unë e di se jo të paktë janë ata që thonë; po ne kemi halle të tjera shumë më të mëdha se kjo. Kjo nuk është e drejtë. Sepse për çdo njeri të qytetëruar, nuk ka interes më jetik mbi të gjitha interesat e tjera sesa interesi kombëtar. Ata që e shkëputën Shqipërinë dhe ë bënë të pavarur, e bën nga dashuria që kishin për Shqipërinë. Dhe Shqipëria do të ecë vetëm nëse e duam. Dhe fëmijët tanë do të jenë zotër të këtij vendi nëse ne i mëkojmë ata me dashurinë për këtë vend. Vetëm nëse i qëndrojmë traditës më të mirë. Vetëm kombet e qytetëruara i zhvillojnë vendet e tyre. Nuk mund të zhvillojë vendin dhe nuk e do kombin, ai që do ta kthejë vasal të një shteti tjetër. Shikoni çfarë ndodh sot: prodhimi bujqësor në Shqipëri dhe e kam denoncuar me qindra herë po shkatërrohet me shpejtësi të madhe. Isha mbrëmë në Prrenjas. Dhe më tha një qytetar. ‘Kishim në fshat 400 lopë, kemi disa dhjetëra’ tjetri mbushte arkat me kumbulla dhe i hidhte në kanal me radhë sepse atë që s’e bën askush në botë e bën ky me dogmën ‘Kampioni po pret 1110 vite në dogana!!!’ Po çdo vend në botë në kulmin e prodhimeve të veta vë kufi, prit të shesësh të miat! Nëse ne nuk mbrojmë tregun, prodhimet tuaja kalben, bien.

Po si e zgjidh Edi Rama këtë?! E zgjidh: “Bujqit po eksportojnë në Beograd!!!’ E dini ju çfarë po eksportohet?! Jua them unë! Po eksportohen plehrat kimike të oligarkëve të Ramës, se është lista! Është e vërtetë. Janë rritur eksportet me Serbinë 30% nga të cilat 20% janë eksporte të plehrave kimike të depozituara në Shqipëri me çmime të larta. Fermerët nuk i kanë blerë dot dhe këta i rieskportojnë. Ky është “eksporti shqiptar”. Ne nuk prodhojmë asnjë kilogram ure, as nitrat më kurse importet serbe janë rritur me 250%! Janë rritur me 2.5 herë në një hark kohor dyvjeçar!”

Për demokratët kjo qeveri nuk pyet, se ata i konsideron armiq, tha Berisha, por a pyet për socialistët e thjeshtë:

“Jua thashë edhe në parlament dy ditë më parë, hajde të shkojmë dhe jam gati, jua them me sinqeritet, jam gati të shkojmë në çdo organizatë të tyre dhe të ulem me ta, të diskutoj me ta, sepse këto që bën ky janë shumëzim me zero të qytetarëve shqiptarëve. Ky i shumëzon me zero. Këtyre u shkatërrohen fermat çdo ditë, u kalben prodhimet – ky thotë bujqësia po lulëzon! E ka shndërruar qeverinë në një makineri të tmerrshme mashtrimi. Vetëm për rrugën Korçë-Kolonjë, në vitin 2018, keni deklaratat e tij se rruga përfundon vitin e ardhshëm!!!

Dhjetorin që kaloi çoi ministrat që thonë se rruga përfundon në 4 muaj! Rruga vazhdon dhe shton e shton paratë në xhepat e tyre. Pra, bazojnë çdo gjë në mashtrim dhe gjithçka në vjedhje. Makineri e tmerrshme e vjedhjes së qytetarëve Me bordet që ka vendosur, me bordet që ka vendosur – ka vjedhur nga xhepat e qytetarëve nëpërmjet rritjes së TVVSH, fiks 400 e ca milionë euro! 400 e ca milionë euro! Nafta është 80 euro për fuçi sot në treg, më e lirë shumë se ishte në fillim të lfutës, këtu vazhdon mbi dymijë e ca. Të tjerë thonë se ky është aksioner etj etj. Një gjë është e sigurt: që 250 mijë tonë naftë futen kontrabandë. Kjo, me statistika!”

Në fund, kryetari i Partisë Demokratike duke argumentuar para qytetarëve të Ersekës se pse Shqipëria është në rrezik thekson se cilat janë ato arritje të Edi Ramës që ne t’i besojmë këtij njeriu dhe këtij regjimi?

“Ne nisemi për në Bruksel, ky do me çdo kusht të na çojë në Beograd! Ne ishim me rrogat më të larta në rajon, sot jemi me rrogat më të ulëta! Në vend se të shtohej prodhimi, rritja në tetë vitet e tij (e Ramës) ka qenë me 400 miliardë, kurse rritja në shtatë vitet e PD ka qenë 500 miliardë! Dhe janë statistika të tij, këto. Por borxhi i tij është 500 miliardë, borxhi i mëparshëm i yni ishte 320 miliardë. Pra, çfarë duhet të bëjë tjetër ky me ne si shqiptarë që ne ta tolerojmë dhe ta pranojmë?!” shprehet kryetari i PD, Sali Berisha, duke përfunduar:

“Ky po sillet si një pushtues i vërtetë me shqiptarët. Ky ndjehet shumë herë më afër me Aleksandër Vuçiçin se me Albin Kurtin! Po pse?! Se Albin Kurti nuk pranon projektin e Ballkanit të Hapur, një projekt mirëfilltas antishqiptar. Dhe ne duhet t’i jemi shumë mirënjohës atij që po e kundërshton. Marrëdhëniet shqiptaro- serbe nuk mund të jenë kurrë të vërteta nëse ato nuk kalojnë nga Prishtina, se ka pasur marrëdhënie shqiptaro- serbe të vasalitetit të plotë në vitin 1945 me Enver Hoxhën dhe tani. Çfarë kanë sjellë ato?! Përkundrazi, gjëmë kanë sjellë për shqiptarët siç u provua në Kosovë!”