Deklaroi kalimin në PS, ja qëndrimi që mbajti Reme Lala në votimin për Teatrin…

Reme Lala, deputetja e qarkut të Dibrës, kishte deklaruar kalimin në grupin parlamentar socialist nga PDIU. Por në seancën e djeshme, ku u votua ligji për Teatrin, i cili i hap rrugën shembjes së godinës aktuale, deputetja Lala nuk ka votuar.

Siç shihet edhe në listën e deputetëve që kanë votuar pro, kundër, ose nuk kanë marrë pjesë në votim, të publikuar në faqen zyrtare të parlamentit, Reme Lala rendiet mes deputetëve që nuk kanë votuar për këtë projektligj.

Sakaq, dy deputetët e tjerë të PDIU, Elena Xhina dhe Dritan Bici kanë votuar pro shembjes së teatrit me deputetët e tjerë socialistë.