Kosovë, meteorolgët parashikojnë fundjavë me stuhi

Instituti Hidrometeorologjik i Kosovës bënë të ditur se gjatë fundjavës në Kosovë do të ketë stuhi të fuqishme.

Temperaturat minimale do të lëvizin nga 22-26 gradë Celsius. Era do të fryjë nga drejtimi i verilindjes dhe veriperëndimit me shpejtësi mbi 16m/s.

Njoftimi i plotë i Institutit:

Gjatë këtyre dy ditëve të fundjavës vendi ynë do të jetë nën ndikimin e masave të ajrit me presion të ulët atmosferik. Në këto kushte, si pasojë e krijimit të vranësirave të dendura dhe jostabile dhe ndryshimit të masave termike në stade të ndryshme të troposferës do  të  mbajë mot i ndryshueshëm dhe me stuhi lokalisht të fuqishme.

Stuhitë do ta përfshijnë pjesën veriore dhe verilindore të Serbisë duke e shtrirë veprimin edhe në pjesën verilindore dhe veriore të  Kosovës por me një fuqi me të dobët.

Temperaturat minimale do të lëvizin ndërmjet 22-26 gradë Celsius. Do të fryjë erë nga drejtimi i verilindjes dhe veriperëndimit me shpejtësi mbi 16m/s.