Deliranti Dritan Abazoviç s’e bënë dot shumicën e thjeshtë në Parlament, do ta shkarkoj Presidentin!
Ballkani Perëndimor nuk ka aventurier vetëm Edi Ramën, Aleksandar Vuçiçin dhe Milorad Dodikun! Kampion i çmendurisë rezulton të jetë serbofili Dritan Abazoviç, i cili ndonëse nuk arriti të krijoj as shumicën e thjeshtë parlamentare me 41 deputetë për drejtuar me qeverinë e tij, nga New Yorku kërcënon se do të shkarkoj Presidentin e Malit, Milo Gjukanoviç i cili në mungesë të një shumice të re parlamentare i propozon Parlamentit shpërbërjen e tij.
“Unë mendoj se duhet ta votojmë iniciativën për shkarkimin e presidentit, për të dhënë mesazhin e qartë se çfarë mendon për parlamentin. A mund të realizohet me Gjykatën Kushtetuese që kemi, kjo është pyetje për juristët, por përfundimisht jemi peng i një njeriu për 30 vjet dhe tani duhet të vazhdojmë të jemi peng. Mendoj se nuk është mirë. Dhe kjo situatë i është sqaruar këtu partnerëve të shumtë, jo vetëm atyre amerikanë dhe mendoj se e kanë të qartë,” tha Kryeministri në ikje i Malit Zi, Dritan Abazovië për VOA sapo mbaroi fjalimin e tij në Asamblenë e Përgjithshme të OKB, duke konfirmuar dhe propozimin që dha partia proserbe Fronti Demokratik në Podgoricë për shkarkimin e Presidentit Milo Gjukanoviç, parti e cila nga raporti i intelgijencës amerikane është akuzuar se financohet nga Rusia.
Meqë i dërguari i Kishës Ortodokse Serbe në Mal të Zi, Dritan Abazoviç nuk i pengon fakti se Gjykata Kushtetuese nuk është funksionale dhe është vetëm ajo e cila e shkarkon Presidentin pasi ta konstatoj shkeljen kushtetuese, dhe as deklarata e Frontit Demokratik se do ta shkarkoj Presidentin pa Gjykatë Kushtetuese, lideri i Lëvizjes Qytetare URA i injektuar me një dozë deliri të paparë, arsyeton dhe votimin e iniciativës për shkarkimin e Presidentit ndonëse ajo nuk është në përputhje me Kushtetutën e Malit të Zi, në bazë të së cilës ai është aktualisht kryeministër në detyrë:
“Ne do të votojmë për shkarkimin e Presidentit. Kjo është e ngjashme si në SHBA që do të ishte impeachment,” thotë deliranti Abazoviç duke përdor një mekanizëm që nuk e parashikon legjislacioni malazez ndërsa e arsyeton me një logjikë epike:
“Do ta shohim çfarë do të thotë, meqë e gjitha është konfuze, por mendoj se është mesazh shumë i rëndësishëm nëse ndodhë. Vetë fakti se parlamenti e ka bërë, se shumica parlamentare e ka bërë, shumica legjitime, është shumë e rëndësishme,” thotë ky injorant proserb duke harruar se shumica parlamentare nuk e shkarkon Presidentin por e propozon shkarkimin dhe nëse konfirmohen shkeljet e pretenduara kushtetuese nga Gjykata Kushtetuese, është kjo e fundit që e shkarkon!
Dhe jo vetëm kaq! I pyetur rreth mendimit të partnerëve evropian dhe amerikan për futjen e partisë Fronti Demokratik në qeveri, Abazoviç tha se çdo kush ka të drejtën të ketë qëndrimet e veta, por ne kemi të drejtën të rregullojmë gjërat në shtetin ndërsa duke u përgjigjur në pyetjen se a ka biseduar me partnerët për raportin e inteligjencës amerikane ku theksohet se Rusia në mënyrë sekrete ka financuar Frontin Demokratik gjatë viteve 2016 dhe 2018, dhe nëse do të hetohet, Abazoviç ishte i prerë në proserbizmin e tij.
“Natyrisht. Financimi ilegal i partive politike duhet të jetë pjesë e kësaj agjende. Mua personalisht, më shumë se kjo më shqetëson se si grupet e organizuara kriminale financojnë përherë Partinë Demokratike të Socialistëve (të Gjukanoviçit), përkatësisht mbështesin ata që kanë bërë 30 vjet. Tani ju do të thoni, na jepni dëshmi, e unë po ju the, na jepni dëshmi për Frontin Demokratik,” duke hedhur poshtë raportin e intelgijencës amerikane për hirë të partisë më ekstremiste serbe në botë, Frontit Demokratike, DF!
