S’largohemi nga primaret, Berisha: Nëna e shtetit ligjor është vota!

Nëna e shtetit ligjor është vota! Kështu iu përgjigj sot Kryetari i Partisë Demokratike, Sali Berisha, Ambasadores së SHBA në Tiranë, Yuri Kim, e cila u shpreh se nuk e njehë Sali Berishën si Kryetar të PD, ndërsa foli dhe për pretendimet e Aleatëve dhe kundërshtimin e primareve, për të cilët ishte i prerë se do ulet me me ta për të gjitha çështjet por PD nuk heq dorë kurrë nga primaret.

Sot, në konferencën e përjavshme, Kryetari i PD dhe për Projektligjin për Amnistinë, kontrollin e territorit me satelitë dhe tërheqjen e Edi Ramës nga rritja e çmimit të energjisë nga 1 Tetori!

“Është e trishtë të konstatosh qëndrimin e guvernatores ndaj votës. Votën duhet ta respektosh. Por të pretendosh se po respekton shtetin ligjor, duke mos respektuar votën, është absurde. Nëna e shtetit ligjor është vota, pa votë nuk ka shtet ligjor, ka diktaturë, ka autokraci, ka çdo formë tjetër, por jo demokraci. Se si ka mundësi këto, mendoj se nuk dëmtojnë PD-në dhe Sali Berishën, por janë totalisht në kundërshtim këto ndërhyrje me Konventën e Vjenës dhe përpjekjet e PD-së me marrëdhënie të mira dhe shumë të mira me SHBA.

Çfarë e shtyn zonjën të mohojë? Ku e gjen autoritetin, mbi ç’bazë, mbi ç’konventë, mbi ç’marrëveshje, të mohojë votën e 11 dhjetorit, votën e 6 marsit, 22 majit? Nëse ka një parti që ka votuar më shumë në Europë se kjo parti, nuk ka. Atëherë kemi të bëjmë me një çështje themelore. Unë e kam parë kur vrapoi të elozhojë votën e transfiguruar nga patronazhistët, nga blerjet, etj. Po njeriu në një moment duhet t’i thotë vetes: Enough is enough!”

Sot Sali Berisha i dha përgjigje edhe Aleatëve të cilët dje kishin pretendime, nga anulimi i primareve deri te sondazhet që do të përcaktonin kandidatët e përbashkët të opozitës.

“Çështja që ngrini është e drejtë. Ne do ulemi me aleatët, do ulemi me PL dhe aleatët e tjerë dhe do bashkërendojmë, do bëjmë gjithçka që të arrijmë maksimumin e konsensusit. Problemi i vetëm është se ne, nga primaret nuk mund kurrsesi të largohemi. Atë që sollëm ne, sollëm primaret. Nëse largohemi prej tyre, nuk jemi më vetja jonë. Ndaj dhe nesër mblidhet Këshilli Kombëtar për të diskutuar për primaret që do zhvillohen, janë mendime të ndryshme, por cilido mendim të mbizotëroj, nuk mund t’u them se nuk e di, por asnjë prej tyre nuk e vë në diskutim primaret.”

Kryetari i Partisë Demokratike e bëri të qartë se Edi rama nuk i ka votat për miratimin e Projektligjit për Amnistinë, i cili sipas tij është tërësisht lobim i krimit ndërsa kontrollimin e territorit me satelitë e cilësoi thjeshtë tallje me qytetarët.

“Ai deputet që voton amnistinë fiskale të Edi Ramës, ka votuar krimin dhe vetëm krimin. Rama nuk ka votat për amnistinë dhe është tërësisht lobim i krimit. Nuk ka asnjë lidhje me emigracionin. Asnjë lidhje. Emigrantët, ato para që i kanë, i investojnë në vendin e tyre, ose i sjellin në Shqipëri, nuk kanë asnjë vështirësi që t’i sjellin këtu. Këtu është fjala vetëm për kartelet e drogës me të cilat ai është i lidhur dhe që po dalin përditë në pah. Kështu që ai nuk mund ta kalojë atë amnisti,” tha Berisha ndërsa foli dhe për instalacionin para Kryeministrisë dhe marrëveshjes së firmosur me operatorin “Satellogic USA Inc” për mintorim satelitor të territorit, apo siç e shiti deliranti Edi Rama, ndërtimeve pa leje:

“Pasi i ka vjedhur, Rama po tallet me qytetarët Edi Rama, pasi i vjedh qytetarët e këtij vendi në mënyrë të pangopur, ka filluar t’i tallë me përçmim. Një akt i tillë është qëndrimi i tij ndaj shpenzimeve dhe vjedhjeve të fundit me dy projekte, me projektin e instalimit në oborrin e kryeministrisë prej 4 milionë eurosh të arkave të drurit me vazo, një akt që kurrë një zyrtar nuk mund t’ia lejont vetes.

Një mashtrues ordiner, pasi deklaroi se nuk jap llogari se si i përdor paratë, unë i them se ai është i detyruar me ligj dhe Kushtetutë të japë llogari për çdo qindarkë të taksapaguesve shqiptarë. Për paratë e tij, sigurisht nuk i kërkon kush llogari. Atë instilacion ta marrë ta çojë në Surrel.

Së dyti, ju e dëgjuat vetë. Kontratën për satelitët. Në një akt talljeje, cinike, ai u tha shqiptarëve se satelitët më duhen se nuk kanë kushërinj, halla apo teze, që të fshehin kullat. Sipas tij, nga qielli, 14 kate pa leje të njërës prej tyre, duken më mirë se nga distanca apo nga rruga, qindra metra larg. Ky është një akt i papërgjegjshëm, me të cilin Edi Rama kërkon të mbulojë vjedhjet që bën.

Them këtu se njeriu që ka burgosur në emër të shtetit, gjoja, 3415 qytetarë, dhe ka dhënë për ndjekje penale mijëra e mijëra të tjerë, për gjëra që të marra së bashku, nuk bëjnë ilegalitet sa njëra prej kullave që ka 14 kate ilegale, dëshmon se është fund e krye, i kapur dhe se i ka investimet e veta. Vetëm një kryeministër i kapur, dhe që është investitor në këto ndërtime pa leje, i lejon vetes të shkelmojë Kodin Penal.”

Në fund, tërheqjen e Edi Ramës nga aplikimi i fashës 800 kWh duke filluar nga 1 Tetori, Kryetari i PD, Sali Berisha, e quan rezultat të presionit nga i cili Kryeministru u dorëzua ndërsa përfundoi:

“Para jush, i kam dhënë një ultimatum në mënyrë të përsëritur. Po rrite çmimin e energjisë, do presësh atë që meriton. Por, sidoqoftë vendimi i tij për t’u tërhequr, nën presion, çka do të thotë, që vetëm presioni funksionon me këtë njeri. Unë u tregoj disa mesazhe të qytetarëve, që më deklarojnë se po rriti çmimet, tani më lind e drejta t’u them këtyre qytetarëve, se guxoi, por nuk guxoi. U tërhoq, u palos.”